សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ជិះម៉ូតូលឿនមិនប្រយ័ត្នជ្រុលបុករថយន្តបៀកឆ្លងផ្លូវពីចំហៀងពេញទំហឹងបណ្តាលឱ្យរងរបួសធ្ងន់ត្រូវបានកងសង្គ្រោះបន្ទាន់៧១១កងពលតូចលេខ៧០ដឹកបញ្ជូនទៅមន្ទីរពេទ្យភ្លាមៗ។
ហេតុការណ៍នេះបានកេីតឡេីងកាលពីវេលាម៉ោង១០និង៤៦នាទីយប់ថ្ងៃទី០៣ខែកញ្ញាឆ្នាំ២០២៤ នៅតាមផ្លូវជាតិលេខ៣ភូមិព្រៃកី សង្កាត់ភ្លើងឆេះរទេះ ខណ្ខកំបូល រាជធានីភ្នំពេញ។
ជនរងគ្រោះមានឈ្មោះ ប៉ុន សុខា ភេទប្រុស អាយុ៣៥ឆ្នាំ រងរបួសបែកចង្ការ និងបែកមេជើងខាងឆ្វេង។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្តម៉ាកព្រូស ពណ៌ស ធ្វេីដំណេីរចេញពីបុរីពិភពថ្មីគំរោង៣ ឆ្លងផ្លូវជាតិលេខ៣ពីលិចទៅកេីតខណៈដល់ចំណុចពាក់កណ្តាលផ្លូវស្រាប់តែមានបុរសម្នាក់ជិះម៉ូតូស្កូបពីតាមបណ្តោយផ្លូវជាតិលេខ៣ក្នុងទិសដៅពីជេីងទៅត្បូងលឿនចាប់ហ្វ្រាំងមិនទាន់ក៏ជ្រុលបុកពីចំហៀងពេញទំហឹងបណ្តាលឱ្យរងរបួសចំណែករថយន្តនិងម៉ូតូរងការខូចខាតទាំងសងខាង។
ក្រោយកេីតហេតុជនរងគ្រោះត្រូវបានរថយន្តសង្រ្គោះរបស់អង្គភាព៧១១កងពលតូចលេខ៧០ដឹកបញ្ជូនទៅមន្ទីរពេទ្យព្រះកុសុមៈ ដោយឡែកម៉ូតូត្រូវបានសមត្ថកិច្ចវាស់វែងយកទៅរក្សាទុកនៅអធិការដ្ឋាននគរបាលខណ្ឌកំបូលរងចាំដោះស្រាយពេលក្រោយ៕
ដោយ៖សុខាសែនជ័យ
