សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ បុរសវ័យចំណាស់ម្នាក់ បានចងកធ្វើអត្តឃាតសម្លាប់ខ្លួននៅលើដើមស្វាយដោយយកក្រមាចងទៅចងភ្ជាប់មែកស្វាយបណ្តាលឱ្យស្លាប់ភ្លាមៗ ដោយមិនដឹងពីមូលហេតុបង្កឲ្យមានការភ្ញាក់ផ្អើលដល់ប្រជាពលរដ្ឋផងដែរ។
ហេតុការណ៍មួយនេះបានកើតឡើងនៅថ្ងៃទី១០ ខែសីហា ឆ្នាំ២០១៦ ស្ថិតនៅក្នុងភូមិភ្នំតូច ឃុំតាអានស្រុកក្រឡាញ់ ខេត្តសៀមរាប ។
តាមប្រភពពីប្រជាពលរដ្ឋដែលបានចូលរួមមើលហេតុការណ៍ខាងលើនេះ និយាយប្រាប់សមត្ថកិច្ចនគរបាលយើងថាជនរងគ្រោះបានបាត់ពីផ្ទះកាលពីថ្ងៃទី០៩ ខែសីហា ឆ្នាំ២០១៦ហើយត្រូវបានក្រុមគ្រួសារដើររកតែរកមិនឃើញលុះដល់ថ្ងៃទី១០ ខែសីហាឆ្នាំ២០១៦ទើបប្រទះឃើញចងកស្លាប់នៅលើដើមស្វាយត្រើយខាងកើតស្ទឹងស្ថិតនៅទីតាំងកើតហេតុ។ តាមប្រភពពីមន្ដ្រីសមត្ថកិច្ចបានប្រាប់ឱ្យដឹងថាមានបុរសវ័យចំណាស់ម្នាក់ ស្លៀកខោខ្លី រុំក្រម៉ា ពណ៌ក្រហមលាយសនិងខៀវ គ្មានពាក់អាវបានយកក្រម៉ា ដែលស្លៀកជាប់នឹងខ្លួន យកឡើងទៅចងកសម្លាប់ខ្លួននឹងដើមស្វាយ ត្រើយខាងកើតស្ទឹង។ប្រភពបានបន្តថា ក្រោយពីបានទទួលព័ត៌មានរួចមក កម្លាំងរបស់នគរបាលមូលដ្ឋានបានចុះទៅដល់កន្លែងកើតហេតុភ្លាមៗផងដែរ។សមត្ថកិច្ចបានឲ្យដឹងថា ជនរងគ្រោះមានឈ្មោះ តាត វៃ ភេទប្រុស អាយុ៥២ឆ្នាំ រស់នៅភូមិថ្មី ឃុំទឹកជោរស្រុកព្រះនេត្រព្រះ ខេត្តបន្ទាយមានជ័យ។
ប្រភពបានបញ្ជាក់បន្ថែមទៀតថា ក្រោយពីបានទំលាក់សពជនរងគ្រោះមកដល់ដី រួចខាងជំនាញបានពិនិត្យនិងធ្វើកោសល្យវិច្ឆ័យទៅលើដងខ្លួន បានសន្និដ្ឋានថា ជនរងគ្រោះពិតជាបានចងករធ្វើអត្តឃាតខ្លួនឯងពិតមែន ដោយយកកន្សែងដែលស្លៀកជាប់នឹងខ្លួនឡើងទៅលើដើមស្វាយរួចចងកសម្លាប់ខ្លួនដោយភ្ជាប់ទៅនិងមែកស្វាយបណ្ដាលឱ្យស្លាប់ ប៉ុន្ដែមិនដឹងថា មានមូលហេតុអ្វីឡើយ។
បច្ចុប្បន្នសពជនរងគ្រោះត្រូវបានសមត្ថកិច្ចមូលដ្ឋានប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណីនៅគេហដ្ឋាននៃសព៕ ជានិរន្ដរ៍
