សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងអធិការដ្ឋាននគរបាលខណ្ឌទួលគោក បានចុះអនុវត្តត្រួតពិនិត្យរឹតបន្តឹងច្បាប់ចរាចរណ៍ផ្លូវគោក ស្ថិតនៅចំណុចមុខសាលាបឋមសិក្សាទួលគោក សង្កាត់បឹងកក់ទី១ ខណ្ឌទួលគោក កាលពីថ្ងៃទី១២ ខែកញ្ញា ឆ្នាំ២០២៤ បានប្រទះឃើញជនសង្ស័យ ចំនួន០២នាក់ ជិះម៉ូតូម៉ាក Honda C125 ពណ៌ខ្មៅ ពាក់ផ្លាកលេខ សៀមរាប 1X-7004 ជិះឆ្លងកាត់គោលដៅត្រួតពិនិត្យ កម្លាំងសមត្ថកិច្ចក៏បានឃាត់ត្រួតពិនិត្យ និងឆែកឆេររកឃើញកាំបិតបុ័ងតោ ចំនួន០២ដើមសៀតនៅចង្កេះខោរបស់ជនសង្ស័យខាងលើម្នាក់១ដើម ទើបសមត្ថកិច្ច ឃាត់ខ្លួនជនសង្ស័យទាំង០២នាក់ជាក់ស្ដែង និងចាប់យកវត្ថុតាង បញ្ជូនមកកាន់អធិការដ្ឋាននគរបាលខណ្ឌទួលគោក។
ឃាត់ខ្លួនជនសង្ស័យចំនួន០២នាក់៖
១-ឈ្មោះ ប្លែត យ៉ុង ភេទប្រុស ជនជាតិខ្មែរ មុខរបរ ជាងម៉ាស៊ីនត្រជាក់ ស្នាក់នៅផ្ទះជួលមិនចាំលេខ ផ្លូវបេតុង សង្កាត់ឬស្សីកែវ ខណ្ឌឬស្សីកែវ ។
២-ឈ្មោះ ផាន់ សុខើ ភេទប្រុស ជនជាតិខ្មែរ មុខរបរ ជាងម៉ាស៊ីនត្រជាក់ ស្នាក់នៅផ្ទះជួលមិនចាំលេខ ផ្លូវបេតុង ភូមិទួលគោក សង្កាត់ឬស្សីកែវ ខណ្ឌឬស្សីកែវ ។
វត្ថុតាងចាប់យកមាន៖ ម៉ូតូម៉ាក Honda Dream C125 ពណ៌ខ្មៅ ពាក់ផ្លាកលេខ សៀមរាប 1X-7004 និងកាំបិតបុ័ងតោ ចំនួន០២។
បច្ចុប្បន្នជនសង្ស័យ និងវត្ថុតាងខាងលើ កំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោក ដើម្បីសាកសួរ និងចាត់ការបន្តតាមនីតិវិធី៕
ដោយ៖ តារា
