សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ជនសង្ស័យពាក់ព័ន្ធគ្រឿងញៀនបានម្នាក់ ត្រូវបានកម្លាំងនគរបាលនាយកដ្ឋានបង្ក្រាបគ្រឿងញៀន ក្រសួងមហាផ្ទៃ ស្រាវជ្រាវតាមចាប់ កាលពីវេលាម៉ោង៥និង៣០នាទីរសៀល ថ្ងៃទី១១ ខែសីហា ឆ្នាំ២០១៦ នៅក្នុងផ្ទះ ហ្គេមបាញ់ត្រី ជ្រកក្រោមស្លាក 27 ណេត ស្ថិតនៅ តាមផ្លូវបេតុង ក្រុម១៥ ភូមិប៉ប៉្រកត្បូង សង្កាត់កាកាប ខណ្ឌពោធិ៍សែនជ័យ ។
តាមប្រជាពលរដ្ឋ បានឲ្យដឹងថា នៅវេលាខាងលើ ឃើញមានវត្តមាន នគរបាល ជាច្រើននាក់ ចុះមកចាប់ ឃាត់ខ្លួនមុខសញ្ញា គ្រឿងញៀន បានម្នាក់ ហើយរកឃើញទូហ្គេមបាញ់ត្រីចំនួន២ នៅក្នុងផ្ទះ ២៧ ណេត ។
ដោយឡែកជនសង្ស័យ មិនត្រូវបាន នគរបាល ដែលមានវត្តមាន ចុះប្រតិបត្តិការបង្ក្រាប បង្ហាញពីអត្តសញ្ញាណ ឲ្យស្គាល់ឡើយ គ្រាន់តែបង្ហើបប្រាប់ថា ក្នុងប្រតិបត្តិការស្រាវជ្រាវតាមចាប់ ឃាត់ខ្លួនមុខសញ្ញា នៅផ្ទះ ហ្គេមបាញ់ត្រី ខាងលើ បានជនសង្ស័យម្នាក់ ចំណែកជនសង្ស័យ ៤នាក់ផ្សេងទៀត ចាប់ឃាត់ ប្រមូលមកពីពីកន្លែងផ្សេង ។
បើតាមអាជ្ញាធរ សមត្ថកិច្ច មូលដ្ឋានវិញ បានឲ្យដឹងថា កម្លាំងនគរបាលជំនាញ ក្រសួងចុះប្រតិបត្តិការ ពេលនេះ មិនបានសហការ ឡើយ គ្រាន់តែ ប្រាប់ថា មនុស្សម្នាក់ត្រូវបានចាប់ខ្លួនក្នុងផ្ទះហ្គេម ចំណែក៤នាក់ផ្សេងទៀតចាប់ពីកន្លែងផ្សេងទេ ។
ផ្ទះខាងលើ ក្រោយពីបែកធ្លាយ មានដាក់ទូហ្គេមបាញ់ត្រី ចំនួន២ ហើយថកម្ចាស់មិនឃើញ អាជ្ញាធរ ភូមិ ទំនាក់ទំនងទៅសាលាខណ្ឌ ដើម្បីចាត់វិធានការបន្ត ដើម្បីយកទៅរក្សាទុក ៕ សុខាសែនជ័យ
