សារព័ត៌មាន នគរវត្ត តែងតែនាំមុខគេជានិច្ច
មេដឹកនាំកងកម្លាំងប្រដាប់អាវុធ Hezbollah លោក Hassan Nasrallah បានសារភាពថា ស៊េរីនៃការផ្ទុះ pager និង walkie-talkie គឺ “មិនធ្លាប់មានពីមុនមកក្នុងប្រវត្តិសាស្ត្រនៃចលនាតស៊ូនៅក្នុងប្រទេសលីបង់” ។
តាមការចុះផ្សាយរបស់ប៉ុស្តិ៍ Al Jazeera នៅថ្ងៃទី 19 ខែកញ្ញា មេដឹកនាំកងកម្លាំងប្រដាប់អាវុធនៃក្រុម Hezbollah (ប្រទេសលីបង់) – លោក Hassan Nasrallah បាននិយាយថា ការផ្ទុះនៃ pagers និង walkie-talkies នៅទូទាំងប្រទេសលីបង់ក្នុងរយៈពេលពីរថ្ងៃកន្លងមកបានឆ្លងកាត់ “បន្ទាត់ក្រហមទាំងអស់” ដោយសង្កត់ធ្ងន់ថា ក្រុមនឹងសងសឹក។
នេះជាលើកទីមួយហើយ ដែលមេដឹកនាំក្រុមហេសបូឡាហ៍ បាននិយាយបន្ទាប់ពីមានការផ្ទុះឧបករណ៍ទំនាក់ទំនងជាបន្តបន្ទាប់ដោយសមាជិកក្រុមហេសបូឡាហ៍ កាលពីថ្ងៃទី 17 ខែកញ្ញា និងថ្ងៃទី 18 ខែកញ្ញា ដែលបានបណ្តាលឱ្យមនុស្សសរុបចំនួន 37 នាក់បានស្លាប់ និងប្រហែល 3,000 នាក់បានរងរបួស។ ក្រុម Hezbollah បានចោទប្រកាន់អុីស្រាអែលថាជាអ្នកនៅពីក្រោយការវាយប្រហារ ប៉ុន្តែរហូតមកដល់ពេលនេះ អុីស្រាអែល
មិនបាននិយាយចេញមកទេ។
លោក Nasrallah បានហៅការផ្ទុះនេះថាជាការវាយប្រហារផ្នែកសន្តិសុខ និងមនុស្សធម៌យ៉ាងធំ ប៉ុន្តែមិនបានធ្វើឲ្យក្រុមហេសបូឡាហ៍ចុះចាញ់ឡើយ។ មេដឹកនាំក្រុមហេសបូឡាហ៍ បាននិយាយដែរថា ការបំផ្ទុះគ្រាប់បែក គឺជា “អំពើភេរវកម្ម” និងជា “ការប្រកាសសង្គ្រាម” ប្រឆាំងនឹងប្រជាជនលីបង់ និងអធិបតេយ្យភាពរបស់ប្រទេស។
លោក Nasrallah បានសារភាពថា ការវាយប្រហារនេះគឺ “មិនធ្លាប់មានពីមុនមកនៅក្នុងប្រវត្តិសាស្រ្តនៃចលនាតស៊ូនៅក្នុងប្រទេសលីបង់” ក៏ដូចជា “នៅក្នុងប្រវត្តិសាស្រ្តនៃប្រទេសរបស់យើង” និង “សត្រូវរបស់យើង” ។
លោក Nasrallah បាននិយាយថា ឧបករណ៍បានផ្ទុះនៅក្នុងមន្ទីរពេទ្យ ផ្សារ ផ្ទះ និងតំបន់មួយចំនួនដែលមានជនស៊ីវិលរស់នៅ ហើយបានចោទប្រកាន់អុីស្រាអែលថា “ចេតនា” កំណត់គោលដៅ 4,000 pagers និង 1,000 walkie-talkies ជាមួយនឹងគោលដៅគឺសម្លាប់មនុស្សឱ្យបានច្រើនតាមដែលអាចធ្វើទៅបាន។
ថ្នាក់ដឹកនាំ Hezbollah បានសង្កត់ធ្ងន់ថា ការវាយប្រហារត្រូវបានរារាំងដោយផ្នែក ដោយសារតែ “ឧបករណ៍ជាច្រើនត្រូវបានដកចេញ បិទ [ឬ] ចាប់បាន” ដោយបន្ថែមថា ការវាយប្រហារមិនប៉ះពាល់ដល់មូលដ្ឋានបញ្ជាការ ការគ្រប់គ្រង ឬហេដ្ឋារចនាសម្ព័ន្ធរបស់ Hezbollah នោះទេ៕ ដោយ៖ ធីរីណា
រូបថត៖ Reuters
