សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ត្រីជនជាតិចិនម្នាក់ខឹងបុរសម្នាក់យកឡំប្រឺតាមកចតនៅមុខហាងស្រាប់តែទាញដែកមកវាយបណ្តាលឱ្យបែកកញ្ចក់ឡំប្រឺតា ផ្អើលដល់សមត្ថកិច្ច ចុះធ្វើអន្តរាគមន៍។
ហេតុការណ៍នេះបានកើតឡើងនៅវេលា ម៉ោង៩និង៣០នាទីយប់ថ្ងៃទី២០ ខែ កញ្ញា ឆ្នាំ២០២៤ ទល់មុខហាងយីហោ កទា រស់ជាតិឆ្ងាញ់ ស្ថិតនៅតាម បណ្តោយផ្លវ៧៨ សង្កាត់ទន្លេបាសាក់ ខណ្ឌចំការមន ។
តាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុបុរសជនជាតិខ្មែរម្នាក់បានយកឡំប្រឺតារបស់គាត់ចតនៅមុខហាងលក់ដូរនៅទីតាំងកើតហេតុ ហើយស្រាប់តែពេលនោះក៏មានស្ត្រីជនជាតិចិនម្នាក់គាត់ខឹងដោយសារឃើញឡំប្រឺតាមកចតនៅមុខផ្ទះគាត់រកលក់ដូរមិនកេីតក៏បានដើរទៅប្រាប់ឱ្យម្ចាស់ឡំប្រឺតាយកចេញពីមុខហាងរបស់គាត់ តែភ្លាមៗនោះបុរសនោះមិនបានយកចេញភ្លាមៗនោះទេ ដោយសារតែមានរថយន្តមួយគ្រឿងនៅបាំងពីមុខ ធ្វើឱ្យស្ត្រីជនជាតិចិននោះខឹងសម្បាក៏បានដើរចូលទៅក្នុងហាងយកសោមកចាក់ឡំប្រឺតា ទេីបបុរសនោះទាញ ទូរស័ព្ទមកថតក៏ស្រាប់តែស្ត្រីខាងលើនោះទាញដែកយកមកដេញវ៉ៃម្ចាស់ឡំប្រឺតាបណ្តាលឱ្យត្រូវឡំប្រឺតាបែកកញ្ចក់ និងធ្លាក់ទូរស័ព្ទពីដៃបណ្តាលឲ្យបែកកញ្ចក់ ទេីបហៅសមត្ថកិច្ចចុះទៅធ្វើអន្តរាគមន៍។
ក្រោយកេីតហេតុសមត្ថកិច្ចបាននាំភាគីទាំងសងខាងទៅសម្របសម្រួលគ្នានៅប៉ុស្តិ៍នគរបាលទន្លេបាសាក់តាមនីតិវិធី៕
ដោយ៖សុខាសែនជ័យ
