សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជនម្នាក់បានរងរបួសធ្ងន់ត្រូវបានរថយន្តសង្គ្រោះរបស់អង្គភាព៧១១កងពលតូចលេខ៧០បញ្ជូនទៅមន្ទីរពេទ្យភ្លាមៗបន្ទាប់ជួបគ្រោះថ្នាក់ចរាចរណ៍ជិះម៉ូតូបុកជាមួយរថយន្តបេីកឆ្លងផ្លូវ កាលពីវេលាម៉ោង១១:០២នាទីព្រឹកថ្ងៃទី២៤ ខែកញ្ញា ឆ្នាំ២០២៤ នៅតាមផ្លូវបេតុងភូមិតាសេក សង្កាត់កំបូល ខណ្ឌកំបូល រាជធានីភ្នំពេញ
ជនរងគ្រោះមានឈ្មោះ មុំ សុីអិ ភេទប្រុស អាយុ១៧ឆ្នាំមានទីលំនៅ ភូមិពាមទន្លា ឃុំពោធិ៍ ស្រុកកំពង់លែង ខេត្តកំពង់ឆ្នាំង រងរបួសបាក់ភ្លៅស្តាំ និងដៃខាងស្តាំ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញជនរងគ្រោះជិះម៉ូតូម៉ាកហុងដាឌ្រីម ពណ៌ក្រហម ពាក់ស្លាកលេខកំពង់ឆ្នាំង1 M 7375 ធ្វេីដំណេីរតាមបណ្តោយផ្លូវបេតុង ក្នុងទិសដៅពីត្បូងទៅជេីងខណៈមកដល់ចំណុចកេីតហេតុស្រាប់តែមានរថយន្តព្រូស ពណ៌ស្ក ពាក់ស្លាកលេខភ្នំពេញ2BS 8719 ធ្វេីដំណេីរតាមបណ្តោយផ្លូវលំពីកេីតទៅលិចឆ្លងផ្លូវបេតុងភ្លាមនោះដោយម៉ូតូចាប់ហ្វ្រាំងមិនទាន់ក៏ជ្រុលបុករថយន្តពីចំហៀងពេញទំហឹងបណ្តាលឱ្យជនរងគ្រោះបោកផ្ទប់រងរបួសបាក់ភ្លៅ និងបាក់ដៃស្តាំ ចំណែកម៉ូតូគាប់ជាប់រថយន្តរងការខូចខាត។
ក្រោយកេីតហេតុជនរងគ្រោះត្រូវបានរថយន្តសង្រ្គោះរបស់អង្គភាព៧១១កងពលតូចលេខ៧០ដឹកបញ្ជូនទៅមន្ទីរពេទ្យជាតិ តេជោសន្តិភាព ចំណែករថយន្តនិងម៉ូតូត្រូវបានសមត្ថកិច្ចធ្វេីការវាស់វែងយកទៅរក្សាទុករង់ចាំដោះស្រាយពេលក្រោយ៕
ដោយ៖សុខាសែនជ័យ
