សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ: ហេតុការណ៍គ្រោះថ្នាក់ចរាចរណ៍មួយបានកើតឡើង ដោយសារតែបុរសម្នាក់បានបើករថយន្តមួយគ្រឿងម៉ាក់កាមរីបាឡែនសង្ស័យស្រវឹងស្រាជោកជាំ ក៏ជ្រុលទៅបុករទះអេតចាយមួយខណៈដែលបុរសម្នាក់ជាអ្នករើសអេតចាយខ្ទាចចេញពីរទះរងរបួសធ្ងន់ ហើយរថយន្តបង្កមិនអស់ល្បឿនទៅបុកបង្គោលភ្លើងបភ្លឺផ្លូវបណ្តាលឲ្យទ្រេតតែសំណាងល្អអ្នកបើកបរមិនមានរងគ្រោះថ្នាក់ ។
ករណីគ្រោះថ្នាក់ចរាចរខាងលើនេះ បានកើតឡើងនៅវេលាម៉ោង ១ និង ៤០នាទីរំលងអធ្រាត្រឈានចូលថ្ងៃទី ១៧ ខែសីហា ឆ្នាំ២០១៦ ស្ថិតនៅមុខសាលាវិទ្យាល័យជាសីុមសាមគ្គី តាមបណ្តោយផ្លូវលេខ២៧១ សង្កាត់ បឹងសាឡាង ខណ្ឌទួលគោក ។
រថយន្តបង្កម៉ាក់កាមរីបាឡែន ពណ៍ខ្មៅ ពាក់ស្លាកលេខ ភ្នំពេញ 2S- 0556 បើកបរដោយបុរសម្នាក់វ័យប្រហែល៣០ឆ្នាំ មិនស្គាល់អត្តសញ្ញាណ ។
តាមប្រភពព័ត៍មានពីសាក្សីនៅកន្លែងកើតហេតុ បានឲ្យដឹងថា នៅមុនពេលកើតហេតុ គេបានឃើញរថយន្តបង្ក បើកបរដោយបុរសម្នាក់ក្នងល្បឿនយ៉ាងលឿនដោយ ធ្វើដំណើរ តាមបណ្តោយផ្លូវលេខ២៧១ ស្ថិតក្នុងទិសដៅពីជើងទៅត្បូង លុះបើកមកដល់ចំណុចខាងលើ ស្រាប់តែរថយន្តបានរ៉េចង្កូតជ្រុលទៅបុករទេះអេតចាយដែលបុរសម្ចាស់កំពុងតែរុនខ្ទាតចេញ បណ្តាលឲ្យរងរបួសធ្ងន់ ហើយរថយន្តមិនអស់ល្បឿនក៏ជ្រុលទៅបុកបង្គោលភ្លើង បណ្តាលឲ្យទ្រេត ធ្វើឲ្យរថយន្តបែកកង់មុខខ្ទេចនិងខូចខាតមួយកំណាត់មុខទៅមុខលែងរួច ។ ភ្លាមនោះជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យរ៉ុស្ស៊ីផងដែរ ។
ក្រោយកើតហេតុសមត្ថកិច្ចជំនាញបាន ចុះទៅដល់កន្លែងកើតហេតុធ្វើការវាស់វែង រួចស្ទួចយករថយន្តបង្កយកទៅកាន់ការិយាល័យចរាចរណ៍ផ្លូវគោកនៃស្នងការនគរបាលរាជធានីភ្នំពេញ ដើម្បីធ្វើការដោះស្រាយគ្នានៅពេលក្រោយ ៕ ស ដារ៉ា
