🔥មេឃត្រជាក់សោះ ! ឆ្លងប្រព័ន្ធភ្លើងបណ្តាលឱ្យឆាបឆេះរថយន្តម៉ាក camary បាឡែន ពណ៌ទឹក មាស របស់បុគ្គលិក ខារ៉ាអូខេ មានហេង ខូចទាំងស្រុង !

ខេត្តកែប ៖ ថ្ងៃនេះ ! ក្រសួងធនធានទឹក និងឧតុនិយម បញ្ជាក់ថា ៖ ខ្យល់បក់ មកពីទិសឦសាន មានល្បឿនមធ្យម ២,៥០ ម៉ែត្រ វិនាទី។ ខេត្តកោះកុង ព្រះសីហនុ កំពត កែប និងជួរភ្នំបូកគោ អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់ គ្របដណ្តប់លើ ផ្ទៃដី២០%។ -រលកសមុទ្រមានកម្ពស់មធ្យមអប្បបរមា០,៥០ម៉ែត្រ និងកម្ពស់មធ្យមអតិបរមា១,២០ម៉ែត្រ។ 

តាមពិតមេឃត្រជាក់ដែរទេ ចុះហេតុចំថ្ងៃស៊យ គឺរថយន្តម៉ាក camary បាឡែន ពណ៌ទឹក មាស របស់បុគ្គលិក ខារ៉ាអូខេ មានហេង ឆ្លងប្រព័ន្ធបណ្តាលឱ្យឆាបឆេះអស់ទាំងស្រុង ។ 

សូមបញ្ជាក់ថា ៖ ហេតុការណ៍នេះបានកើតឡើង នៅថ្ងៃទី ១៨ ខែ តុលា ឆ្នាំ២០ ២៤ វេលាម៉ោង ៦និង០០ នាទីព្រឹក មានករណីឆេះរថយន្ត ១ គ្រឿង  ទិសដៅ ពីជើង ទៅ ត្បូង លើផ្លូវជាតិលេខ ៣៣អា ចន្លោះបង្គោលគីឡូម៉ែត្រលេខ ១-២ ត្រង់ចំណុចចាងណាង ស្ថិតនៅភូមិថ្មី សង្កាត់ព្រៃធំ ក្រុងកែប ខេត្តកែប ។

រថយន្តម៉ាក camary បាឡែន ពណ៌ទឹក មាស ពាក់ផ្លាកលេខ ភ្នំពេញ 2G. 8332  ម្ចាស់ រថយន្តឈ្មោះ ស្រី កា ភេទ ស្រី អាយុ ៣១ ឆ្នាំ មុខរបរបុគ្គលិក ខារ៉ាអូខេ មានហេង ស្នាក់នៅភូមិថ្មី សង្កាត់ព្រៃធំ ក្រុងកែប ខេត្តកែប(ពុំមានរងរបួសទេ) អ្នករួមដំណើរមានចំនួន ៥ នាក់រួមមាន ៖ 

១.ឈ្មោះ ស្រី ពេជ្រ។

២.ឈ្មោះ ស្រី ខួច ។

៣.ឈ្មោះ ស្រី ណែត។

៤.ឈ្មោះ ស្រី មុី ។

៥.ឈ្មោះ ពន្លក  ។ អ្នកទាំង ៥នាក់ ស្នាក់នៅភូមិថ្មី សង្កាត់ព្រៃធំ ក្រុងកែប ខេត្តកែប(ពុំមានរងរបួសទេ មូលហេតុរថយន្តឆ្លងប្រព័ន្ធភ្លើង បណ្តាលឱ្យឆេះខូចខាតទាំងស្រុងតែម្តង គួរឱ្យសោកស្តាយបំផុត ៕

ដោយ ៖ សិលា