សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ តាមរបាយការណ៍របស់ការិយាល័យនគរបាលទេសចរណ៍ នៃស្នងការដ្ឋាននគរបាលខេត្តបាត់ដំបង បានឱ្យដឹងថា កាលពីថ្ងៃទី២១ ខែតុលា ឆ្នាំ២០២៤ វេលាម៉ោង០១ និង៣០នាទីរសៀល មានករណីជនជាតិអាឡឺម៉ង់ឈ្មោះ An na Help ភេទស្រី បានជ្រុះបាត់ទូរស័ព្ទដៃម៉ាកIPhone 13 (មានស្រោមទូរស័ព្ទដូចរូបភាព) ខណៈពេលគាត់ធ្វើដំណើរតាមផ្លូវផ្ទះសំណាក់ The Lux Villa រួចបត់កែងតាមសណ្ឋាគារ Jasmine។
គាត់ដឹងថាទូរស័ព្ទនោះបានជ្រុះបាត់នៅពេលគាត់ឆ្លងកាត់ទៅដល់ពេទ្យពរពីរក្នុងក្រុងបាត់ដំបង ហើយពេលដឹងថាបាត់ជនបរទេសបានមកប្តឹងនៅការិយាល័យនគរបាលទេសចរណ៍ នៃស្នងការដ្ឋាននគរបាលខេត្តបាត់ដំបង ដើម្បីជួយស្វែងរកទូរស័ព្ទគាត់ដែលបាត់នោះ។
ដូច្នេះបើបងប្អូនប្រជាពលរដ្ឋដែលរស់នៅក្នុងខេត្តបាត់ដំបងបាន ប្រទះឃេីញទូរស័ព្ទដូចខាងលេី សូមមេត្តានាំយកមកប្រគល់ជូនសមត្ថកិច្ចនៅការិយាល័យនគរបាលទេសចរណ៍ នៃស្នងការដ្ឋាន នគរបាលខេត្តបាត់ដំបងឬទំនាក់ទំនងលេខទូរស័ព្ទ 012 503 836 / 095 711 666 ត្បិតទូរស័ព្ទ របស់គាត់មានផ្ទុកទិន្នន័យនិង រូបភាពច្រើន ដែលគាត់ចាំបាច់ក្នុងការប្រើប្រាស់ សូមអរគុណ! ៕
ដោយ៖ តារា
