សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរស៣នាក់ជិះម៉ូតូស្គូពីមួយគ្រឿងឌុបគ្នាល្បឿនលឿនខ្វះការប្រុសប្រយ័ត្នក៏ជ្រុលទៅបុុកនិងរថយន្ត កូរ៉ូឡាដែលបេីកដោយជនជាតិបរទេសនៅផ្លូវបំបែកជាបួន បណ្តាលឲ្យអ្នកជិះម៉ូតូរងរបួសធ្ងន់ស្រាល៣នាក់។
ហេតុការណ៍នេះបានកេីតឡេីងនៅវេលាម៉ោង១២និង០៥នាទីយប់រំលងអធ្រាត្រឈានចូលថ្ងៃទី២៥ខែតុលាឆ្នាំ២០២៤ ចំណុចផ្លូវ១០៥កែងផ្លូវ៤៣២ សង្កាត់បឹងត្របែក ខណ្ឌចំការមន រាជធានីភ្នំពេញ ។
តាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកេីតហេតុ គេបានឃើញបុរសជនជាតិ ហ្វីលីពីន២នាក់ រួមទាំងអ្នកបេីកបរ បានបេីករថយន្តម៉ាក កូរ៉ូឡាស៊េរីចាស់ ពណ៌ប្រផេះ ពាក់ស្លាកលេខ ឃ0319ភព2 បេីកធ្វើដំណើរតាមបណ្ដោយផ្លូវ៤៣២ទិសដៅពីកេីតទៅលិចមកដល់ចំណុចកេីតហេតុ ដែលជាផ្លូវបំបែកជាបួន ក៏ស្រាប់តែបុរសជនជាតិខ្មែរ៣នាក់បានជិះម៉ូតូម៉ាកហុងដាស្គូពី ពណ៌ក្រហមលាយស ពាក់ស្លាកលេខ ភ្នំពេញ 1JI 2291 បានបោះពួយតាមបណ្ដោយផ្លូវលូ១០៥ទិសដៅពី ជេីងទៅត្បូងល្បឿនលឿនព្រមទាំងខ្វះការប្រុងប្រយ័ត្ន ក៏ជ្រុលទៅបុុកនិងរថយន្តយ៉ាងពេញទំហឹង បណ្តាលឲ្យម៉ូតូវៀចជំពាស់មុខនិងធ្វើឲ្យបុរសជាអ្នកបេីកម៉ូតូ របួសបាក់ភ្លៅខាងឆ្វេង ត្រូវបានបញ្ជូនតាមរថយន្តសាមុយយកទៅសង្គ្រោះនៅមន្ទីរពេទ្យ កាល់ម៉ែត ។ ចំណែក២នាក់ទៀតរងរបួសស្រាលមិនទៅមន្ទីរពេទ្យនោះទេ ។
ដោយឡែកខាងរថយន្តវិញរងការខូចខាតកំពិតថ្ពាល់មុខចំហៀងខាងឆ្វេងបែកកញ្ចក់មុខ និងកំពិតទ្វារក្រោយចំហៀងខាងស្តាំ តែមិនរងរបួសដល់មនុស្សដែលជិះក្នុងរថយន្តនោះទេ តែអ្នកបេីកបរត្រូវសមត្ថកិច្ចឃាត់ទុកប្រគល់ឲ្យផ្នែកជំនាញចរាចរណ៍ផងដែរ ។
ក្រោយពេលកេីតហេតុ មធ្យោបាយរួមទាំងអ្នកបេីកបរត្រូវបានសមត្ថកិច្ចប្រគល់ឲ្យផ្នែកជំនាញចរាចរណ៍វាស់វែងយកទៅរក្សាទុកនៅការិយាល័យនគរបាលចរាចរណ៍ផ្លូវគោកដេីម្បីរង់ចាំដំណោះស្រាយ ៕
ដោយ ៖ សុខាសែនជ័យ
