សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ លោក សុខ ឥសាន បរិយាយពីនេះពីនោះពាក់ព័ន្ធកម្ពុជា នៅរសៀលថ្ងៃទី១១ ខែវិច្ឆិកា ឆ្នាំ២០២៤ ដោយលើកយកចំណុចសំខាន់ៗចំនួន ១០ ដូចខាងក្រោម ៖
១- ការប្រកាសបង្កើតអង្គការចាត់តាំងនៅក្រៅប្រទេសរបស់ក្រុមឧទ្ទាមក្រៅច្បាប់ = គ្រាន់តែជាការកុំឲ្យថាអត់ការធ្វើប៉ុណ្ណោះ?
២- ខ្មែរក្រោមអត់មានបំណងធ្វើសង្គ្រាមវ៉ៃយកទឹកដីខ្មែរដែលបានបាត់បង់មកវិញ = លទ្ធភាពទៅមិនរួចទេ តែបើទោះជាចង់វ៉ៃយកក៏មិនអាចបានដែរ?
៣- ខ្មែរក្រោមមិនអាចទាមទារសិទ្ធិស្វ័យសម្រេចបានទេ = ព្រោះវាមានន័យចង់បង្កើតរដ្ឋក្នុងរដ្ឋដែលវៀតណាមមិនអនុញ្ញាតទេ។
៤- ខ្មែរក្រោមអាចទាមទារសិទ្ធិខាងជំនឿសាសនា ប្រពៃណីយ៍ ទំនៀមទម្លាប់ អត្តសញ្ញាណជាខ្មែរបាន = ដោយសារស្របតាមអនុសញ្ញា និងកិច្ចព្រមព្រៀងកតិកាសញ្ញា អង្គការសហប្រជាតិ។
៥- ការបំផុសរបស់សមាគមខ្មែរក្រោមឲ្យក្រោកឡើងដើម្បីទាមទារសិទ្ឋិស្វ័យសម្រេចកម្ពុជាក្រោម = គ្រានតែជាអន្ទាក់នាំខ្មែរក្រោមទទួលការបង្ក្រាបពីអាជ្ញាធរវៀតណាម។
៦- ខ្មែរក្រោមអាចនិយាយបញ្ចេញមតិបាន = តែមិនអាចធ្វើសកម្មភាពជាក់ស្តែងបានទេ?
៧- ការបង្កើតចលនាជាតិតស៊ូ = ជាអង្គការស្រមោលដែលគ្មានបានការ?
៨- ចលនាខ្មែរដើម្បីប្រជាធិបតេយ្យគឺជាចលនានៅក្នុងអារម្មណ៍ = គ្មានមូលដ្ឋានកម្លាំងនយោបាយទេ?
៩- ចង់ដឹងកោះគុតនៅខាងណា = ចាំបាច់ពិនិត្យខ្លឹមសារសន្ធិសញ្ញានិងកិច្ចព្រមព្រៀងបារាំង- សៀម ឆ្នាំ១៩០៧និង១៩០៩?
១០- ការទាមទារឲ្យប្តឹងទៅតុលាការយុត្តិធម៌អន្តរជាតិរឿកម្មសិទ្ធិលើកោះគុត = នឹងនាំឲ្យប៉ះពាល់ចំណងមិត្តភាព សាមគ្គីភាពនិងកិច្ចសហប្រតិបត្តិការណ៍រវាងកម្ពុជានិងថៃ? ៕
ដោយ ៖ សិលា
