សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ មនុស្សចំនួន៤នាក់បានរងរបួសធ្ងន់ស្រាលត្រូវបានកងសង្គ្រោះបន្ទាន់៧១១ កងពលតូចលេខ៧០ ដឹកទៅមន្ទីរពេទ្យបន្ទាប់ពីពួកគេជិះម៉ូតូ២គ្រឿងបុកគ្នាពេញទំហឹង។
ហេតុការណ៍គ្រោះថ្នាក់ចរាចរណ៍ខាងលេីនេះបានកេីតឡេីងកាលពីវេលាម៉ោង៨និង៤១នាទីថ្ងៃទី១៨ ខែវិច្ឆិកា ឆ្នាំ២០២៤ នៅតាមផ្លូវជាតិលេខ៤ ភូមិត្រពាំងទូល សង្កាត់កំបូល ខណ្ឌកំបូល រាជធានីភ្នំពេញ។
ជនរងគ្រោះទី១ មានឈ្មោះ ថេល ផល្លា ភេទប្រុស អាយុ៣០ឆ្នាំ មានទីលំនៅភូមិត្រពាំងព្រីង ឃុំគោកព្រេច ស្រុកគីរីវង់ ខេត្តតាកែវ រងរបួសបាក់ជើងឆ្វេងនិងបែកប្រអប់ខាងឆ្វេង ។
ជនរងគ្រោះទី២មានឈ្មោះ ទៅ គឹមសួរ ភេទប្រុស អាយុ៣២ឆ្នាំ រស់នៅភូមិស្លែង ឃុំគោកព្រេច ស្រុកគីរីវង់ ខេត្តតាកែវ រងរបួសបែកមាត់ និងបាក់ឆ្អឹងដងកាំបិតខាងឆ្វេង។
ជនរងគ្រោះទី៣ មានឈ្មោះ ស៉ឹម ផានិត ភេទប្រុស អាយុ២៤ឆ្នាំ រស់នៅភូមិថ្លុកឈើទាល ឃុំសុព័រទេព ស្រុកច្បារមន ខេត្តកំពង់ស្ពឺ រងរបួសផ្ទៃមុខបែកមាត់ ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញម៉ូតូម៉ាកស្កូបពី ពណ៌ខ្មៅ ជិះគ្នា២នាក់ធ្វេីដំណេីរតាមបណ្ដោយផ្លូវជាតិលេខ៤ ក្នុងទិសដៅពីកេីតទៅលិចខណៈមកដល់ចំណុចកេីតហេតុស្រាប់តែមានបុរស២នាក់ជិះម៉ូតូហុងដាឌុបគ្នាមកពីលិចទៅកេីតមិនប្រយ័ត្នក៏ជ្រុលបុកគ្នាពេញទំហឹងបណ្តាលឱ្យរងរបួសធ្ងន់៣នាក់ស្រាលម្នាក់។
ក្រោយកេីតហេតុជនរងគ្រោះដែលរងរបួសធ្ងន់ទាំង៣នាក់ត្រូវបានរថយន្តសង្គ្រោះរបស់អង្គភាព៧១១ កងពលតូចលេខ៧០ ជួយដឹកបញ្ជូនទៅព្យាបាលនៅមន្ទីរពេទ្យព្រះកុសុមៈ ចំណែកម៉ូតូទាំងពីរគ្រឿងត្រូវបានយកទៅរក្សាទុកនៅផ្នែកចរាចរណ៍នៃអធិការដ្ឋាននគរបាលខណ្ឌកំបូលដេីម្បីរង់ចាំដោះស្រាយពេលក្រោយ៕
ដោយ៖សុខាសែនជ័យ
