សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជន និងយុវតីគ្រប់រូបគួរជៀសឱ្យឆ្ងាយពីគ្រឿងញៀន ព្រោះគ្រឿងញៀនបំផ្លាញអនាគតអ្នក និងក្រុមគ្រួសារអ្នក ! ខណៈកម្លាំងសមត្ថកិច្ចជំនាញនៅទូទាំងប្រទេសកម្ពុជា បានចុះស្រាវជ្រាវឃាត់ខ្លួនជនសង្ស័យចំនួន ៣២នាក់ (ស្រី ៣នាក់) ក្នុងប្រតិបត្តិការបង្ក្រាបបទល្មើសគ្រឿងញៀនចំនួន ១៣ករណី ទូទាំងប្រទេសនៅថ្ងៃទី២០ ខែវិច្ឆិកា ឆ្នាំ២០២៤នេះ ។ នេះបេីយោងតាមរបាយការណ៍របស់អគ្គស្នងការដ្ឋាននគរបាលជាតិ។
របាយការណ៍ដដែលបានបញ្ជាក់ថា ក្នុងចំណោមជនសង្ស័យចំនួន ៣២នាក់ រួមមាន៖ ជួញដូរ ៣ករណី ឃាត់ ១១នាក់(ស្រី ១នាក់) ,ដឹកជញ្ជូន រក្សាទុក ៧ករណី ឃាត់ ១៦នាក់(ស្រី ១នាក់) ,ចាត់ចែង សម្រួល ១ករណី ឃាត់ ២នាក់(ស្រី ០នាក់) និងប្រើប្រាស់ ២ករណី ឃាត់ ៣នាក់(ស្រី ១នាក់)។
វត្ថុតាងដែលចាប់យកសរុបក្នុងថ្ងៃទី២០ ខែវិច្ឆិកា រួមមាន៖ មេតំហ្វេតាមីន ម៉ាទឹកកក(Ice)ស្មេីនិង ៦៤៤០,០៤ក្រាម។
ក្នុងប្រតិបត្តិការនោះជាលទ្ធផលខាងលើ ៩អង្គភាពបានចូលរួមបង្ក្រាប មានដូចខាងក្រោម៖
កម្លាំងនគរបាលជាតិ ៨អង្គភាព
*១ / មន្ទីរ៖ ជួញដូរ ១ករណី ឃាត់ ៣នាក់ ស្រី ១នាក់ ចាប់យកIce ៦៣៤៦,៧៩ក្រាម។
*២ / បាត់ដំបង៖ រក្សាទុក ២ករណី ឃាត់ ៨នាក់ ស្រី ១នាក់ ចាប់យកIce ៥,៥៩ក្រាម។
*៣ / កំពង់ឆ្នាំង៖ រក្សាទុក ១ករណី ឃាត់ ២នាក់ ចាប់យកIce ១,៩០ក្រាម។
*៤ / កំពង់ធំ៖ ចាត់ចែង ១ករណី ឃាត់ ២នាក់ ប្រើប្រាស់ ១ករណី ឃាត់ ១នាក់ ចាប់យកIce ០,១០ក្រាម។
*៥ / ក្រចេះ៖ ជួញដូរ ១ករណី ឃាត់ ១នាក់ ចាប់យកIce ៥៥,១៦ក្រាម។
*៦ / ព្រៃវែង៖ ជួញដូរ ១ករណី ឃាត់ ៧នាក់ ចាប់យកIce ២៨,១៣ក្រាម។
*៧ / តាកែវ៖ រក្សាទុក ១ករណី ឃាត់ ១នាក់ ចាប់យកIce ០,៥២ក្រាម។
*៨ / កែប៖ រក្សាទុក ២ករណី ឃាត់ ២នាក់ ប្រើប្រាស់ ១ករណី ឃាត់ ២នាក់ ស្រី ១នាក់ ចាប់យកIce ០,៣៤ក្រាម។
ដោយឡែកកម្លាំងកងរាជអាវុធហត្ថខេត្ត ១អង្គភាព
*១ / សៀមរាប៖ រក្សាទុក ១ករណី ឃាត់ ៣នាក់ ចាប់យកIce ១,៥១ក្រាម៕
ដោយ៖ តារា
