សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានបេីករថយន្តម៉ាកRANGE ROVER ខ្វះការប្រុងប្រយ័ត្ននៅផ្លូវបំបែកជាបួនក៏ជ្រុលទៅបុកឡំប្រឺតាបណ្តាលឱ្យរងការខូចខាតនិងរបួសមនុស្សហើយមិនព្រមឈប់ទទួលខុសត្រូវបែរជាព្យាយាមបេីករថយន្តរត់គេចថែមទៀត ។
ហេតុការណ៍នេះបានកើតឡើងនៅវេលាម៉ោង២និង៤០នាទីរំលងអធ្រាត្រថ្ងៃទី៣ ខែធ្នូ ឆ្នាំ២០២៤ ត្រង់ចំណុចផ្លូវលេខ៤៣០ កែងផ្លូវលេខ១៨៣ សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ ។
តាមប្រភពព័ត៌មានពីកន្លែងកើតហេតុ បានឱ្យដឹងថា មុនពេលកេីតហេតុគេបានឃើញបុរសម្នាក់បានបើកឡំប្រឺតា ពណ៌ស តាមបណ្ដោយផ្លូវលេខ៣៤០ក្នុងទិសដៅពីត្បូងទៅជើង លុះមកដល់ចំណុចកេីតហេតុដែលជាផ្លូវបំបែកជាបួន ក៍ស្រាប់តែមានបុរសម្នាក់ទៀតបេីករថយន្តម៉ាក RANGE ROVER ពណ៌ខ្មៅ ពាក់ស្លាកលេខ ភ្នំពេញ 2AK-5886 បេីកតាមបណ្ដោយផ្លូវលេខ៨៣ក្នុងទិសដៅពី លិចទៅកេីតដោយល្បឿនលឿនហើយខ្វះការប្រុងប្រយ័ត្ន ក៏ជ្រុលទៅបុកឡំប្រឺតាបណ្តាលឱ្យរងការខូចខាត វៀចផ្នែកខាងមុខ ហើយធ្វើអោយមនុស្សរងរបួសចុកឆ្អល់ក្រោកលែងរួច ត្រូវបានដឹកតាមរថយន្តសាមុយយកទៅសង្គ្រោះនៅមន្ទីរពេទ្យរុស្ស៊ីផងដែរ ។
ដោយឡែកខាងរថយន្តវិញ រងការខូចខាតផ្នែកខាងមុខនិងក្រពឹតចំហៀងខាងស្ដាំ ហើយភ្លាមៗនោះអ្នកបេីកបរមិនព្រមឈប់ទទួលខុសត្រូវទេបែរជាព្យាយាមបេីករថយន្តរត់គេចរហូតដល់ចំនុចផ្លូវលេខ១៧៣កែងផ្លូវម៉ៅសេទុងត្រង់ភ្លើងស្តុបស្ថានទូតចិនក៏ត្រូវបានប្រជាពលរដ្ឋឃើញហេតុការណ៍ជួយដេញតាមឃាត់នាំយកទៅតាំងកេីតហេតុវិញដើម្បីប្រគល់អោយសមត្ថកិច្ចបន្ត ។
ក្រោយកេីតហេតុដោយសារតែមិនអាចដោះស្រាយបានភ្លាមៗ រថយន្តនិងម៉ូតូត្រូវសមត្ថកិច្ចសម្រេចវាស់វែងយកទៅរក្សាទុកនៅអធិការដ្ឋាននគរបាលខណ្ឌបឹងកេងកងដេីម្បីរង់ចាំដំណោះស្រាយ ៕
ដោយ៖ សុខា សែនជ័យ
