សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជនពីរនាក់ជិះម៉ូតូស៊ុយសូគីនិចបោះពួយខ្វះការប្រុងប្រយ័ត្ននៅផ្លូវបែកជាបួនក៏ជ្រុលទៅបុកជាមួយនឹងរថយន្តកូរ៉េដឹកទំនិញបណ្ដាលឲ្យអ្នកជិះម៉ូតូទាំងពីរនាក់រងរបួសបញ្ជូនទៅសង្គ្រោះនៅឯមន្ទីរពេទ្យ ។
ហេតុការណ៍នេះកេីតឡើង នៅវេលាម៉ោង ១២និង៥០នាទី រំលងអធ្រាត្រឈានចូលថ្ងៃទី៦ ខែធ្នូ ឆ្នាំ២០២៤ ទល់មុខការាសសាំងតូតាល់ផ្លូវ១៧៣កែងផ្លូវ៣៤៨ ក្នុងមូលដ្ឋានសង្កាត់ទួលស្វាយព្រៃទីមួយខណ្ឌបឹងកេងកង រាជធានីភ្នំពេញ ។
តាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេបានឃើញបុរសពីរនាក់រួមទាំងអ្នកបើកបរបានបើករថយន្តប្រភេទកូរ៉េម៉ាកហ៊ីយ៉ាន់ដាយពណ៌សពាក់ស្លាក លេខភ្នំពេញ 2BW 3506 ធ្វើដំណើរតាមបណ្ដោយផ្លូវ ៣៤៨ទិសដៅពី ត្បូងទៅជើងលុះមកដល់ចំណុចកើតហេតុផ្លូវបំបែកជាបួនក៏ស្រាប់តែមានយុវជនពីរនាក់បានជិះម៉ូតូម៉ាកស៊ុយសូគីនិចពណ៌ក្រហមលាយស ពាក់ ស្លាក លេខ ភ្នំពេញ 1KL0903 បោះពួយតាមបណ្ដោយផ្លូវ១៧៣ទិសដៅពីលិចទៅកើតខ្វះការប្រុងប្រយ័ត្នក៏ជ្រុលទៅបុករថយន្តចំទ្វា ខាងឆ្វេងយ៉ាងពេញទំហឹងធ្វើឲ្យម៉ូតូរងការ ខូចខាត ផ្នែកខាងមុខហើយធ្វើឲ្យអ្នកទាំងពីររងរបួសបែកមុខបែកមាត់ត្រូវបានមិត្តភក្ដិដឹកតាមម៉ូតូយកទៅសង្គ្រោះនៅមន្ទីរពេទ្យផងដែរ ។
ដោយឡែករថយន្តវិញរងការខូចខាតពិតទ្វារមុខចំហៀងខាងឆ្វេងបែកកញ្ចក់ព្រមទាំងឲ្យបុរសដែលជាអ្នកបើក របួសទៅមុខតិចតួចដែរ តែមិនបានទៅពេទ្យទេ ។
ក្រោយកើតហេតុអត់ទាន់មានដំណោះស្រាយទេមធ្យោបាយទាំងអស់ត្រូវសមត្ថកិច្ចជំនាញវាស់វែងយកទៅរក្សាទុកនៅចរាចរណ៍ផ្លូវគោករង់ចាំដោះស្រាយ ៕
ដោយ៖សុខាសែនជ័យ
