សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ កម្លាំងជំនាញប្រឆាំងគ្រឿងញៀន សហការជាមួយប៉ុស្តិ៍នគរបាលរដ្ឋបាលភ្នំសំពៅ នៃអធិការដ្ឋាននគរបាលស្រុកបាណន់ នៅថ្ងៃទី០៧ ខែធ្នូ ឆ្នាំ២០២៤ ម្សិលមិញនេះ បានចុះបង្រ្កាបនិងឃាត់ខ្លួនមុខសញ្ញា ប្រើប្រាស់ដោយខុសច្បាប់នូវសារធាតុញៀន តែងតែធ្វើការអុកឡុកបង្កររឿងក្នុងមូលដ្ឋានចំនួន ០៣នាក់។
ប្រភពដដែលបន្តថា ជនញៀនថ្នាំទាំង៣នាក់នេះ ទី១-ឈ្មោះ ម៉ៅ តារា ភេទប្រុស អាយុ២៩ឆ្នាំ រស់នៅភូមិភ្នំសំពៅកើត,ទី២-ឈ្មោះ គឹម ប៊ុនថាន ភេទប្រុស អាយុ២១ឆ្នាំ រស់នៅភូមិភ្នំសំពៅកើត និងទី៣-ឈ្មោះ យុត សុភត្រា ភេទប្រុស អាយុ២៨ឆ្នាំ រស់នៅភូមិសំណាញ់ ។
គួរបញ្ជាក់ថា ចំពោះ ករណីនេះ កម្លាំងនគរបាលស្រុកបាណន់ បានកសាងសំណុំរឿងបញ្ជូនទៅមណ្ឌលកែប្រែពិភពនៃក្តីសង្ឃឹម ស្រុកបវេល ខេត្តបាត់ដំបង ដើម្បីបន្សាបគ្រឿងញៀនតាមបណ្តឹងនិងសំណូមពររបស់ក្រុមគ្រួសារនិងអាណាព្យាបាល៕
ដោយ ៖ តារា
