សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បើករថយន្តក្នុងល្បឿងលឿន ខណៈមកដល់ចំណុចកើតហេតុបានរេចង្កូតទៅបុកផើងផ្កា ធុងទឹកកក ដាក់មុខផ្ទះប្រជាពលរដ្ឋបណ្ដាលឲ្យរងការខូចខាត ចំណែករថយន្តដាក់កង់មុខទៅមុខលែងរួច ។
ហេតុការណ៍នេះបានកេីតឡេីងកាលពីវេលាម៉ោង២៖៥០នាទីរំលងអធ្រាត្រឈានចូល ថ្ងៃទី១០ ខែធ្នូ ឆ្នាំ២០២៤ ស្ថិតតាមបណ្ដោយផ្លូវ៩០៧ សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ។
បើតាមប្រភពពីប្រជាពលរដ្ឋបានឲ្យដឹងថា មុនពេលកើតហេតុគេបានឃើញបុរសម្នាក់បើករថយន្ត ព្រូស ពណ៌ប្រផេះ ពាក់ផ្លាកលេខភ្នំពេញ 2BN-2800 បើកបរក្នុងទិសដៅពីត្បូងទៅជេីងក្នុងល្បឿនលឿនតាមបណ្ដោយផ្លូវ៩០៧ ខណៈមកដល់ចំណុចកើតហេតុបានរេចង្កូតទៅបុករះផើងផ្កា ធុងទឹកកក ខូចខាតអស់ជាច្រើន សំណាងល្អមិនប៉ះពាល់ដល់ប្រជាពលរដ្ឋ ភ្លាមៗប្រជាពលរដ្ឋនៅក្បែរនោះបានចេញពីក្នុងផ្ទះជួយទាក់ទងទៅកាន់សមត្ថកិច្ចមូលដ្ឋានមកជួយអន្តរាគមន៍ ។
ក្រោយកេីតហេតុភាគីទាំងសងខាងសម្រួលគ្នាបញ្ចប់រឿងនៅកន្លែងកេីតហេតុ៕
ដោយ៖សុខាសែនជ័យ
