សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ព្រឹត្តិការណ៍ពិព័រណ៍យន្តហោះ និងបច្ចេកវិទ្យាឆ្នាំ២០២៤ (Air&Tech Show 2024) លើកទី៤ បានរៀបចំឡើងរយៈពេល៣ថ្ងៃ គឺចាប់ពីថ្ងៃទី១៣-១៥ ខែធ្នូ នៅ ទ័ពអាកាសពោធិ៍ចិនតុង រាជធានីភ្នំពេញ។ សាធារណជន អាចចូលទស្សនាពិព័រណ៍នេះដោយសេរី។ នៅថ្ងៃដំបូងនេះ មានយុវជន សិស្ស-និស្សិត ជាច្រើន បានទៅទស្សនា ការតាំងបង្ហាញយន្តហោះឧទ្ធម្ភាគចក្រ យន្តហោះឯកជន និងយន្តហោះយោធា និងថតរូបទុកជាអនុស្សាវរីយ៍ផងដែរ។
នៅក្នុងពិព័រណ៍រយៈពេល៣ថ្ងៃនេះ នឹងមានការដាក់តាំងបង្ហាញយន្តហោះពិសេសៗជាច្រើនគ្រឿង មានទាំងយន្តហោះ ក្នុងប្រទេស និងមកពីក្រៅប្រទេសផងដែរ។ ក្រៅពីការតាំងបង្ហាញយន្ត ហោះផ្សេងៗ ក្នុងព្រឹត្តិការណ៍នេះ ក៏បានរៀបចំនូវការប្រកួតស្នាដៃបច្ចេកវិទ្យា ដែលបង្កើតឡើង ដោយយុវជនកម្ពុជា លើវិញ្ញាសាពិសេសៗ ចំនួន៤ដូចជា៖ ការប្រកួតមនុស្សយន្ត ការប្រកួតយន្តហោះបញ្ជា ការប្រកួតរ៉ូបូតចម្បាំង និងការប្រកួតប្រណាំងដ្រូន។
សូមបញ្ជាក់ថា ៖ ប្រជាពលរដ្ឋកាន់តែច្រើន ចូលរួមទស្សនា ពិរព័រណ៍យន្តហោះ និងបច្ចេកវិទ្យា នៅរសៀលថ្ងៃទី ១៥ ខែធ្នូ ឆ្នាំ ២០២៤នេះ។ កម្មវិធីពិព័រណ៍នៅសល់តែ ១ថ្ងៃនេះតែប៉ុណ្ណោះ។ ដូច្នេះមានប្រជាពលរដ្ឋច្រើនណាស់ បានទៅទស្សនា ថតរូប ស្វាគមន៍យ៉ាងកក់ក្តៅពី កម្លាំងមូលដ្ឋានទ័ពអាកាសពោធិ៍ចិនតុង៕
ដោយ ៖ សិលា
