សារព័ត៌មាន នគរវត្ត តែងតែនាំមុខគេជានិច្ច
អន្តរជាតិ ៖ ក្រុមមន្ត្រីបោះឆ្នោតនៃបណ្តារដ្ឋ របស់ អាមេរិកបានបោះឆ្នោតនៅថ្ងៃទី ១៧ ខែធ្នូ ដែល បាន បោះ ឆ្នោត ជាផ្លូវការ ឱ្យលោក Donald Trump អតីតប្រធានាធិបតី អាមេរិក ដែលមកពី គណបក្សសាធារណរដ្ឋធ្វើជាប្រធានាធិបតីអាមេរិកអាណត្តិក្រោយ។ នេះបើយោងតាម គេហទំព័រ «CCFR China state-controlled media » បានផ្សាយ នារសៀលថ្ងៃទី១៨ ខែធ្នូ ឆ្នាំ២០២៤ ។
គេហទំព័រ «CCFR China state-controlled media » ថ្ងៃដដែល រដ្ឋចំនួន ៥០ នៃអាមេរិកនិងតំបន់រដ្ឋបាលពិសេសរដ្ឋធានីវ៉ាស៊ីនតោន កូឡុំប៊ី បានធ្វើការបោះឆ្នោតនៃក្រុមមន្ត្រីបោះឆ្នោតដោយឡែកពីគ្នា ដើម្បីជ្រើសរើសប្រធានាធិបតីអាមេរិកអាណត្តិក្រោយ។ លទ្ធផលបានបង្ហាញឱ្យដឹងថា លោក Donald Trump ទទួល បានសំឡេង ឆ្នោតពីក្រុមមន្ត្រីបោះឆ្នោតចំនួន ៣១២សំឡេង ខណៈលោកស្រី Kamala Devi Harris អនុប្រធានាធិបតី អាណត្តិបច្ចុប្បន្ន និងជាបេក្ខជន គណបក្សប្រជាធិបតេយ្យ ទទួលបាន សំឡេងឆ្នោតចំនួន ២២៦សំឡេង ។
គេហទំព័រ «CCFR China state-controlled media » នៅថ្ងៃទី ៦ ខែមករាឆ្នាំ២០២៥ខាងមុខនេះ រដ្ឋសភានិងព្រឹទ្ធសភាអាមេរិកនឹងធ្វើកិច្ចប្រជុំរួម ដើម្បីរាប់សន្លឹកឆ្នោតនៃក្រុមមន្ត្រីបោះឆ្នោតនៃការបោះឆ្នោតជ្រើសរើស ប្រធានាធិបតី ឆ្នាំ ២០២៤ ។ ចំណែកលោក Donald Trump នឹងធ្វើសច្ចា ប្រណិធាន ចូលកាន់ មុខតំណែង នៅថ្ងៃទី ២០ ខែមករាឆ្នាំ២០២៥៕
ដោយ ៖ សិលា
