សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ជនសង្ស័យបានចំនួន០២នាក់ បានជិះម៉ូតូឌុបគ្នាធ្វេីសកម្មភាពឆក់យកទូរស័ព្ទដៃពីនារីជនជាតិបរទេសកំពុងដេីរថ្មេីរជេីង២នាក់បានហេីយព្យាយាមជិះម៉ូតូគេចខ្លួនស្របពេលកម្លាំងសមត្ថកិច្ចកំពុងល្បាតក៏ប្រដេញចាប់បានភ្លាមៗ។
ហេតុការណ៍នេះ បានកេីតឡេីងកាលពីវេលាម៉ោង១០និង១៥នាទីយប់ថ្ងៃទី១៨ ខែធ្នូ ឆ្នាំ២០២៤ ចំណុចខាងក្រោយសាលាស៊ីសុវត្ថិ ដែលស្ថិតនៅសង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ ។
តាមសមត្ថកិច្ចបានឱ្យដឹងថា មុនឃាត់ខ្លួនជនសង្ស័យ កម្លាំងជិះល្បាតតាមភូមិសាស្ត្រងាយរងគ្រោះ លុះដល់វេលាម៉ោងកើតហេតុ ខាងលើ ក៏ស្រាប់តែឃេីញជនសង្ស័យ ២នាក់ជិះម៉ូតូម៉ាកឃ្លិក ពណ៌ប្រផេះ ពាក់ស្លាកលេខភ្នំពេញ1LE-0061 បានធ្វើសកម្មភាពឆក់ទូរសព្ទដៃ របស់នារីជនជាតិបរទេស២នាក់ ដែលកំពុងដេីរ រួចជនសង្ស័យបាន បន្ថែមល្បឿនរត់គេចខ្លួន ។
ប្រភពបានបន្ត ភ្លាមៗ កម្លាំងដែលកំពុងល្បាត ក៏ប្រទះឃើញ បានរាយការណ៍តាមវិទ្យុទាក់ទង ប្រដេញតាមជនសង្ស័យ ប្រផាត់ប្រភេីងរហូតដល់ផ្លូវកម្ពុជាក្រោមនៅចំណុចស្តុបថ្មថា មូលដ្ឋានខណ្ឌ ៧មករា ជនសង្ស័យក៏បានផ្តួលម៉ូតូចោលហេីយរត់ តែត្រូវបានសមត្ថកិច្ចនគរបាលដេញឃាត់បានជនសង្ស័យទាំង២នាក់ភ្លាមៗ ម៉ូតូធ្វើសកម្មភាព និងដកហូតទូរស័ព្ទដៃ របស់ជនរងគ្រោះបានមកវិញផងដែរ ។
បច្ចុប្បន្នជនសង្ស័យ រួមនិងវត្ថុតាង ត្រូវបានបញ្ចូនខ្លួន ទៅកាន់នាយកដ្ឋាននគរបាលព្រហ្មទណ្ឌ ឃុំខ្លួនបណ្តោះអាសន្ន ដើម្បីបន្តនីតិវិធី កសាងសុំណុំរឿង ទៅតុលាការចាត់ការតាមនីតិវិធីច្បាប់ ៕
ដោយ ៖ សុខាសែនជ័យ
