សារព័ត៌មាន នគរវត្ត តែងតែនាំមុខគេជានិច្ច
អន្តរជាតិ ៖ នៅរសៀលថ្ងៃទី២១ ខែធ្នូ ឆ្នាំ២០២៤ គេហទំព័រ «CCFR China state-controlled media » បានផ្សាយថា ៖ បន្ទាប់ពីបញ្ចប់សកម្មភាពទាំងអស់នៅម៉ាកាវដោយគាប់ប្រសើរ លោក Xi Jinping អគ្គលេខាធិកានៃគណៈកម្មាធិការមជ្ឈិមបក្សកុម្មុយនីស្តចិន ប្រធានរដ្ឋចិននិងជាប្រធានគណៈកម្មាធិការយោធាមជ្ឈិមចិនបានជិះយន្តហោះពិសេសចាកចេញពីម៉ាកាវវិលត្រឡប់មកប៉េកាំងវិញនារសៀលថ្ងៃទី២០ខែធ្នូឆ្នាំ២០២៤។
គេហទំព័រ «CCFR China state-controlled media » គួរបញ្ជាក់ថា លោក Xi Jinping បានអញ្ជើញទៅដល់ម៉ាកាវនារសៀលថ្ងៃទី១៨កន្លងទៅ។ ក្នុងអំឡុងពេលនៅម៉ាកាវ លោក Xi Jinping បានចូលរួមមហាសន្និបាតអបអរសាទរខួប២៥ឆ្នាំនៃការវិលមាតុប្រទេសចិនវិញរបស់ម៉ាកាវនិងពិធីចូលកាន់តំណែងនៃរដ្ឋបាលអាណត្តិទី៦នៃតំបន់រដ្ឋបាលពិសេសម៉ាកាវ ព្រមទាំងពិធីលៀងសាយភោជន៍អបអរស្វាគមន៍របស់រដ្ឋបាលនៃតំបន់រដ្ឋបាលពិសេសម៉ាកាវនិងរាត្រីសមោសរអបអរសាទរខួប២៥ឆ្នាំនៃការវិលត្រឡប់មកមាតុប្រទេសវិញរបស់ម៉ាកាវ។លោកបានជួបសន្ទនាជាមួយលោក He Houhua លោក Cui Shi’an លោក He Yicheng ដែលជាអតីតអភិបាលតំបន់រដ្ឋបាលពិសេសម៉ាកាវនិងលោក Cen Haohui អភិបាលនៃតំបន់រដ្ឋបាលពិសេសម៉ាកាវដែលទើបឡើងកាន់មុខតំណែងថ្មី ព្រមនិងអ្នកទទួលខុសត្រូវខាងរដ្ឋបាល នីតិបញ្ញាត្តិនិងយុត្តិធម៌នៃតំបន់រដ្ឋបាលពិសេសម៉ាកាវ។លោកបានអញ្ជើញសួរសុខទុក្ខអ្នកទទួលខុសត្រូវនៃស្ថាប័នមជ្ឈិមប្រចាំម៉ាកាវនិងក្រុមហ៊ុនកម្មសិទ្ធរដ្ឋប្រចាំម៉ាកាវ ចុះត្រួតពិនិត្យកងកម្លាំងប្រដាប់អាវុធប្រចាំម៉ាកាវ សាកលវិទ្យាល័យបច្ចេកវិទ្យាម៉ាកាវនិងតំបន់សហប្រតិបត្តិការស៊ីជម្រៅក្វាំងតុង-ម៉ាកាវHengqin ព្រមទាំងជួបសន្ទនានិងផ្លាស់ប្តូរជាមួយប្រជាជននៅម៉ាកាវផងដែរ។
គេហទំព័រ «CCFR China state-controlled media » ក្នុងពិធីជូនដំណើរ កុមារាកុមារីម៉ាកាវបានជូនបាច់ផ្កាចំពោះលោក Xi Jinping និងភរិយាលោកស្រី Peng Liyuan។លោក Xi Jinping និងភរិយាលោកស្រី Peng Liyuan ចាប់ដៃជាមួយអ្នកដែលមកជូនដំណើរម្ដងមួយៗ ហើយគ្រវីដៃទៅកាន់អ្នកទាំងអស់គ្នា៕
ដោយ ៖ សិលា
