សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ ជនសង្ស័យម្នាក់ត្រូវបានកម្លាំងផ្នែកប្រឆាំងគ្រឿងញៀនស្រុកសំ រោងទងឃាត់ខ្លួនព្រមទាំងចាប់យកវត្ថតាងមានថ្នាំញៀនចំនួន៥កញ្ចប់។ សមត្ថកិច្ចបានឲ្យដឹងថា,ដោយអនុវត្តតាមការចង្អុលដឹកនាំរបស់លោកស្នងការនគរ បាលខេត្ត និងមានការបញ្ជាដឹកនាំដោយផ្ទាល់ពីលោកអធិការនគរបាលស្រុក កម្លាំងផ្នែកប្រឆាំងគ្រឿងញៀនស្រុកសំរោងទង បានល្បាតក្នុងភូមិសាស្ដ្រមូលដ្ឋានដើម្បីទបស្កាត់រាល់បទល្មើសផ្សេងៗ ក្រោយមកក៏ប្រទះឃើញជនសង្ស័យម្នាក់បានធ្វើការឃាត់ខ្លួនមុខ ដែលសមត្ថកិច្ចកំណត់មុខសញ្ញាជួញដូរនឹង រក្សាទុកគ្រឿងញៀនហើយបានចាប់យកវត្ថុតាងថ្នាំញៀនចំនួន ៥កញ្ចប់ ។ សមត្ថកិច្ចបានអោយដឹងទៀតថាករណីនេះបានឃាត់ខ្លួននៅវេលាម៉ោង ១៤ និង ៣០នាទីថ្ងៃទី២៧ ខែធ្នូ ឆ្នាំ២០២៤ នៅចំណុចភូមិព្រៃក្ដី ឃុំរលាំងចក ស្រុកសំរោងទង ខេត្តកំពង់ស្ពឺ ។
សមត្ថកិច្ចបានបញ្ជាក់ទៀតថាជនសង្ស័យដែលឃាត់ខ្លួនបានមានឈ្មោះ ហ៊ុយ រីម ភេទ ប្រុស អាយុ ៤០ឆ្នាំ នៅភូមិព្រៃក្ដី ឃុំរលាំងចក ស្រុកសំរោងទង ខេត្តកំពង់ស្ពឺ ។
វត្ថុតាងចាប់យកមាន ម្សៅក្រាមព័ណ៌សថ្លាសង្ស័យជាគ្រឿងញៀនចំនួន ៥ កញ្ចប់តូច , ទូរស័ព្ទដៃ ១គ្រឿង និងម៉ូតូ ១គ្រឿង ។
បច្ចុប្បន្នជនសង្ស័យខាងលើកំពុងសាកសួនៅអធិការដ្ឋាននគរបាលស្រុកសំរោងទង ដើម្បីកសាងសំណុំរឿងបញ្ជូនទៅតុលាកាចាត់ការបន្តតានីតិវិធី៕
ដោយ៖ ចន្ទ លីហ្សា
