សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ មនុស្សប្រុស-ស្រី ចាស់ក្មេង ប្រមាណជា៦០នាក់ មានកូនក្មេង សិស្សសាលា និងលោកគ្រូ អ្នកគ្រូ បានរងរបួសក្នុងហេតុការណ៍គ្រោះថ្នាក់ចរាចរណ៍ ប៉ុន្តែមិនប៉ះពាល់ដល់អាយុជីវិត ខណៈដែលរថយន្តក្រុងនេះបានរេចង្កូតធ្លាក់ផ្លូវរួចទៅអែបនឹងជ្រោះមានដេីមឈេី ចំណុចលោកយាយបាំងដៃ ហួសចំណុចជ្រោះអូរកសេះ កាលពីរសៀលថៃ្ងទី២៩ ខែធ្នូ ឆ្នាំ២០២៤ ក្នុងឃុំចំបក់ ស្រុកភ្នំស្រួច ខេត្តកំពង់ស្ពឺ។
មន្ត្រីសមត្ថកិច្ចបាននិយាយឱ្យដឹងថា មានករណីគ្រោះថ្នាក់ចរាចរណ៍បានកើតឡើង ក្នុងភូមិសាស្រ្ត ឃុំចំបក់ ស្រុកភ្នំស្រួច លេីខ្នងភ្នំឧទ្យានជាតិព្រះកុសុមៈ គីរីរម្យ ដោយរថយន្តក្រុងបានរេចង្កូតធ្លាក់ផ្លូវរួចទៅអែបនឹងជ្រោះមានដេីមឈេី ត្រង់ចំណុចលោកយាយបាំងដៃ ហួសចំណុចជ្រោះអូរកសេះ។
សមត្ថកិច្ចនគរបាលនៃអធិការដ្ឋានស្រុកភ្នំស្រួច បានចេញប្រតិបត្ដិការជួយអន្ដរាគមន៍លេីករណីគ្រោះថ្នាក់ខាងលេីនេះ ។ តាមការបញ្ជាក់ពីលោកវរសេនីយ៍ទោ ជុន ចន្ទដេត អធិការនគរបាលស្រុកភ្នំស្រួច ក្នុងរថយន្ដមានមនុស្សប្រមាណជាង ៦០នាក់ មានកូនក្មេងសិស្សសាលានិងលោកគ្រូ អ្នកគ្រូ ។ ចំពោះការខូចខាតនិងគ្រោះថ្នាក់ប៉ះពាល់ដល់អាយុជីវិតមិនមាន ទេដោយសាររថយន្ដបុកដេីមឈេីជួយទប់ គ្រាន់តែមានមនុស្សរងរបួសស្រាល និងធ្ងន់កំពុងត្រូវបានជួយសង្រ្គោះ៕
ដោយ៖ សូរិយា
