🔥អគ្គិភ័យឆេះផ្ទះពលរដ្ឋអស់ចំនួន០២ខ្នងទាំងស្រុង នៅប្រឡាយស្ទឹងមានជ័យ

ភ្នំពេញ ៖ អណ្តាតភ្លើងលេបត្របាក់ផ្ទះឈើ០២ខ្នងទាំងស្រុង ផ្អើលសមត្ថកិច្ចចុះអន្តរាគមន៍ កាលវេលាម៉ោង ២និង៣០នាទីរសៀលថ្ងៃទី៣១ ខែធ្នូ ឆ្នាំ២០២៤ ស្ថិតនៅតាមបណ្ដោយផ្លូវបេតុង អមប្រឡាយភូមិមានជ័យទី១ ក្នុងសង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។

តាមប្រភពព័ត៌មានពីពលរដ្ឋបានឲ្យដឹងថា មុនពេលកើតហេតុ គេឃើញផ្សែងហុយចេញពីផ្ទះកើតហេតុខាងលើ លាយឡំអណ្ដាតភ្លើងឆាបឆេះយ៉ាងសន្ធោរសន្ធៅ ។ ភ្លាមៗ អ្នករស់នៅក្បែរខាងបានជួយយកទុយោទឹក ជួយបាញ់ពន្លត់ ។ ប៉ុន្តែអណ្តាតភ្លើងឆេះខ្លាំងពេក មិនអាចគ្រប់គ្រងបាន ទើបរាយការណ៍ជូនសមត្ថកិច្ចមូលដ្ឋាន និងរថយន្តពន្លត់អគ្គិភ័យដើម្បីចេញជួយអន្តរាគមន៍តែម្តង ។ 

អគ្គិភ័យនេះបានឆាបឆេះផ្ទះឈើប្រក់ស័ង្កសី ចំនួន០២ខ្នង នឹងបានប្រើប្រាស់រថយន្តពន្លត់របស់ការិយាល័យបង្ការពន្លត់អគ្គិភ័យនៃស្នងការដ្ឋាននគរបាលរាជធានីភ្នំពេញ ចំនួន០៧គ្រឿង , រថយន្តកងរាជអាវុធហត្ថចំនួន០២គ្រឿង , រថយន្តជំនួយរបស់ស្រាបៀរកម្ពុជា ០១គ្រឿង រួមនឹងរថយន្តទីក្រុងអូឡាំព្យាចំនួន០២គ្រឿង ជួយបាញ់ពន្លត់ឲ្យរលត់ទៅវិញជាស្ថាពរ ។ 

ចំពោះមូលហេតុកម្លាំងសមត្ថកិច្ចជំនាញកំពុងតែធ្វើការស្រាវជ្រាវ ៕

ដោយ​ ៖​ ភារ៉ា​ ដង្កោ