សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង ៖ សមត្ថកិច្ចបានឃាត់ខ្លួនជនសង្ស័យ៥នាក់ជាជនជាតិវៀតណាម ករណីឃាតកម្មទៅលើបុរសម្នាក់នៅស្រុកចន្ទ្រា។
ករណីខាងលើនេះបានកើតឡើងកាលពីវេលាម៉ោង៧និង៣៦នាទីយប់ថ្ងៃទី៣ ខែមករា ឆ្នាំ២០២៥ នៅភូមិចេក ឃុំសំរោង ស្រុកចន្ទ្រា។
យោងតាមសមត្ថកិច្ចនគរបាលបានប្រាប់អ្នកសារព័ត៌មានថា ជនសង្ស័យមានឈ្មោះ ង្វៀង ឌិនហឺ ភេទប្រុស អាយុ២៨ឆ្នាំ ជនជាតិវៀតណាម មុខរបរចុងភៅ ស្នាក់នៅកាស៊ីណូសៀងហៃ ស្ថិតក្នុងភូមិចេក ឃុំសំរោង ស្រុកចន្ទ្រា ខេត្តស្វាយរៀង ។
២-ឈ្មោះ តឹង យ៉ាងហាវ ភេទប្រុស អាយុ២៥ឆ្នាំ ជនជាតិវៀតណាម មុខរបរបុគ្គលិកអនឡាញ ស្នាក់នៅកាស៊ីណូសៀងហៃ ស្ថិតក្នុងភូមិចេក ឃុំសំរោង ស្រុកចន្ទ្រា ខេត្តស្វាយរៀង ។
៣-ឈ្មោះ ចឹង យ៉ាងបាវ ភេទប្រុស អាយុ២២ឆ្នាំ ជនជាតិវៀតណាម មុខរបរបុគ្គលិកអនឡាញ ស្នាក់នៅកាស៊ីណូសៀងហៃ ស្ថិតក្នុងភូមិចេក ឃុំសំរោង ស្រុកចន្ទ្រា ខេត្តស្វាយរៀង ។
៤-ឈ្មោះ ហុន ថាយញឹកថាវ ភេទស្រី អាយុ ១៨ ឆ្នាំ ជនជាតិវៀតណាម មុខរបរបុគ្គលិកអនឡាញ ស្នាក់នៅកាស៊ីណូសៀងហៃ ក្នុងភូមិចេក ឃុំសំរោង ស្រុកចន្ទ្រា ខេត្តស្វាយរៀង ។ ៥-ឈ្មោះវូ បាវ
ង៉ុក ភេទស្រី អាយុ២៥ឆ្នាំ ជនជាតិវៀតណាម មុខរបររត់តុ ស្នាក់នៅកាស៊ីណូសៀងហៃ ស្ថិតក្នុងភូមិចេក ឃុំសំរោង ស្រុកចន្ទ្រា ខេត្តស្វាយរៀង ។
ចំណែកជនរងគ្រោះមានឈ្មោះ ម៉ាយ ទៀងដែត អាយុ៣៥ឆ្នំា មុខរបរបុគ្គលិកកាស៉ីណូសៀងហៃ ជនជាតិវៀតណាម មានទីលំនៅបណ្ដោះអាសន្នក្នុងកាស៉ីណូសៀងហៃស្ថិតនៅភូមិចេក ឃុំសំរោង ស្រុកចន្ទ្រា ខេត្តស្វាយរៀង។
ប្រភពដដែលបន្តថា ដោយទទួលព័ត៌មានពីប្រជាពលរដ្ឋរាយការណ៍ថា មានករណីអំពើឃាតកម្មនៅផ្ទះជួលមួយកន្លែងស្ថិតក្នុងភូមិចេក ឃុំសំរោង ស្រុកចន្ទ្រា នៅវេលាម៉ោង០៨និង០៥នាទីយប់ថ្ងៃទី៣ ខែមករា ឆ្នាំ២០២៥ សមត្ថកិច្ចបានឃាត់ខ្លួនមនុស្សជាប់សង្ស័យជាជនជាតិវៀតណាមចំនួន ០៥ នាក់មកសាកសួរតែម្ដង។
បច្ចុប្បន្ន ជនជាប់សង្ស័យខាងលេី សមត្ថកិច្ចការិយាល័យនគរបាលកម្រិតធ្ងន់កំពុងចាត់ការតាមច្បាប់។ រីឯសាកសពជនរងគ្រោះត្រូវបានបញ្ជូនទៅតម្កល់ទុកនៅវត្តស្ទឹងមានជ័យ រាជធានីភ្នំពេញ ដេីម្បីរង់ចាំក្រុមគ្រួសារមកទទួលយកទៅធ្វេីបុណ្យតាមប្រពៃណី ៕
ដោយ៖ សុថាន
