សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ នៅរសៀលថ្ងៃអង្គារទី០៧ ខែមករា ឆ្នាំ២០២៥នេះ បានឱ្យដឹងថា កម្លាំងសមត្ថកិច្ចជំនាញ បានអនុវត្តវិធានការបង្រ្កាបក្រុមក្មេងទំនើង ក្នុងខេត្តកំពង់ស្ពឺ មិនដកដៃនោះឡើយ ខណៈក្មេងទំនើងប្រេីហឹង្សាគប់ដុំថ្ម ដាវ កាំបិត ដេញកាប់គ្នាផ្អេីលអស់អ្នកស្រុក និងវាយកម្ទេចម៉ូតូ ត្រូវបានឃាត់ខ្លួនមួយចំនួនគេចខ្លួន។
លោកស្នងការខេត្ត បានឱ្យដឹងទៀតថា ជាក់ស្ដែងកាលពីយប់ថ្ងៃទី០៥ ខែមករា ឆ្នាំ២០២៥ វេលាម៉ោង ២៣:០០នាទី នៅចំណុចផ្លូវលំស្ថិតនៅភូមិសាលាគ្រួស ឃុំព្រះនិព្វាន ស្រុកគងពិសី បង្កឡេីងដោយក្រុមក្មេងទំនើងចំនួន២ក្រុម បានវាយបេីកឆាកប្រយុទ្ធគ្នាទៅវិញទៅមក រួចបានរត់គេចខ្លួនបាត់អស់ បន្សល់ទុកនូវកាំបិតបុ័ងតោ ០១ កាំបិតកែច្នៃ០១ ដុំថ្មជាច្រើនដុំ និងម៉ូតូចំនួន ២គ្រឿង៖
- ម៉ូតូC125cc ២០២៥ ពណ៍ខ្មៅ ស្លាកលេខភ្នំពេញ1LB-1134
- ម៉ូតូC125cc ២០២៤ ពណ៌ឈាមជ្រូក ស្លាកលេខ ភ្នំពេញ1KL-9860 ខូចខាតធ្ងន់។
យោងតាមការបញ្ជាក់ពី លោកវរសេនីយ៍ឯក យ៉ាង សុខលី អធិការនគរបាលស្រុកគងពិសី បានបញ្ជានិង
ដឹកនាំសហការស្រាវជ្រាវ រហូតដល់នៅថៃ្ង ០៦ មករា ២០២៥ សមត្ថកិច្ចកំណត់មុខសញ្ញាក្មេងទំនេីង ទាំង០២ក្រុម នឹងឈានទៅធ្វើការឃាត់ខ្លួនបាន ០៨នាក់៖
*ក្រុមទី១ ០៧នាក់
១-ឈ្មោះ ជឿន ចាន់រ៉ាវី ប្រុស ២៦ឆ្នាំ នៅភូមិព្រៃខ្លា ឃុំព្រះនិព្វាន
២-ឈ្មោះ ចាន់ថា សម្បត្តិ ប្រុស ១៨ឆ្នាំ ស្នាក់នៅផ្ទះជួលភូមិទួលធ្នង់ឃុំព្រះនិព្វាន
៣-ឈ្មោះ ផុម សុភក្រ្តា ប្រុស ១៨ឆ្នាំ នៅភូមិព្រៃខ្លា ឃុំព្រះនិព្វាន
៤-ឈ្មោះ នី វណ្ណា ប្រុស ២១ឆ្នាំ នៅភូមិសាលាគ្រួស ឃុំព្រះនិព្វាន
៥-ឈ្មោះ យាន សុខហេង ប្រុស ២០ឆ្នាំ នៅភូមិព្រៃខ្លា ឃុំព្រះនិព្វាន
៦-ឈ្មោះ ផាន់ សៀវហ្វុង ប្រុស ១៧ឆ្នាំ នៅភូមិទួលធ្នង់ ឃុំព្រះនិព្វាន
៧-ឈ្មោះ ផល់ រក្សា ប្រុស ២២ឆ្នាំ នៅភូមិទួលធ្នង់ ឃុំព្រះនិព្វាន
-ឈ្មោះ ស ដ ហៅខូវ ប្រុស ២៥ឆ្នាំ(គេចខ្លួន)
-ឈ្មោះ ដ ហៅម៉ុច ប្រុស ២៥ឆ្នាំ (គេខខ្លួន )
-ឈ្មោះ សេក ប្រុស ២៥ឆ្នាំ (គេចខ្លួន )
*ក្រុមទី២ ជាក្រុមប្រេីហឹង្សាវាយកម្ទេចម៉ូតូក្រុមទី១ ឃាត់ខ្លួន បាន ០១នាក់ ឈ្មោះ ប៊ុន នីសារៈ ប្រុស ១៧ឆ្នាំ ស្នាក់នៅបន្ទប់ជួលភូមិកំណប់ ឃុំ អង្គពពេល
-ឈ្មោះ យ អ ផ ប្រុស នៅផ្ទះជួលភូមិកំណតប់ ឃុំអង្គពពេល (គេចខ្លួន)
-ឈ្មោះ ផ ប្រុស ១៨ឆ្នាំ ស្នាក់នៅបន្ទប់ជួលភូមិទួលធ្នង់(គេចខ្លួន)
-ឈ្មោះ វ ប្រុស នៅភូមិកំណប់ ឃុំអង្គពពេល (គេចខ្លួន) ក្រោយចំណាត់ការរបស់សមត្ថកិច្ច ក្មេងទំនើងបានទទួលស្គាល់ថាពិតជាបានបង្កហឹង្សាដេញវាយគ្នាមែន ។
ក្នុងកិច្ចប្រតិបត្ដិការស្រាវជ្រាវសមត្ថកិច្ចដកហូត ម៉ូតូ ០៤គ្រឿង: ម៉ូតូC125cc ពណ៍ខ្មៅ ភ្នំពេញ1LB-1134 (ខូចខាត) -ម៉ូតូC125cc ពណ៌គ្រាប់អំពិល ភ្នំពេញ1KL-9860 (ខូចខាត) -ម៉ូតូC125cc ពណ៍ខ្មៅ ភ្នំពេញ1LA-6969 -ម៉ូតូC125cv ពណ៍ខៀកំពង់ស្ពឺ1E-1850 -ដាវ ០២ដើម -កាំបិតតាំងតោ០១ និងថ្ម ០២ដុំ ។
បច្ចុប្បន្នសមត្ថកិច្ចនគរបាលអធិការស្រុកបានកសាងសំណុំរឿងបញ្ជូនជនសង្ស័យរួមជាមួយវត្ថុតាងទៅការិយាល័យនៃស្នងការដ្ឋាននគរបាលខេត្ដកំពង់ស្ពឺ ចំណាត់ការនីតិវិធីបន្ដ៕
ដោយ៖ តារា
