សភាតំណាងរាស្រ្តអាមេរិក អនុម័តច្បាប់ដាក់ទណ្ឌកម្មតុលាការឧក្រិដ្ឋកម្មអន្តរជាតិ

ចែករំលែក៖

សភាតំណាងសហរដ្ឋអាមេរិក កាលពីថ្ងៃទី៩ ខែមករា បានបោះឆ្នោតអនុម័តច្បាប់ដាក់ទណ្ឌកម្មតុលាការឧក្រិដ្ឋកម្មអន្តរជាតិសម្រាប់ការចេញដីកាចាប់ខ្លួននាយករដ្ឋមន្ត្រីអុីស្រាអែល និងជាអតីតរដ្ឋមន្ត្រីការពារជាតិ ពាក់ព័ន្ធនឹងយុទ្ធនាការយោធារបស់អុីស្រាអែល នៅតំបន់ហ្គាហ្សា។
ដោយមានការគាំទ្រពីសមាជិកសភាប្រជាធិបតេយ្យចំនួន 45 នាក់ សភាតំណាងរាស្រ្តសហរដ្ឋអាមេរិកដែលគ្រប់គ្រងដោយសាធារណរដ្ឋបានអនុម័តច្បាប់មួយដើម្បីដាក់ទណ្ឌកម្មបុគ្គលបរទេសណាដែលស៊ើបអង្កេត ចាប់ខ្លួន ឃាត់ខ្លួន ឬកាត់ទោសពលរដ្ឋអាមេរិក ឬពលរដ្ឋនៃសម្ព័ន្ធមិត្តរបស់សហរដ្ឋអាមេរិក រួមទាំងអុីស្រាអែលផងដែរ។ សមាជិកនៃតុលាការឧក្រិដ្ឋកម្មអន្តរជាតិ។
មុននេះ តុលាការឧក្រិដ្ឋកម្មអន្តរជាតិបានចេញដីកាចាប់ខ្លួននាយករដ្ឋមន្ត្រីអុីស្រាអែល Benjamin Netanyahu និងរដ្ឋមន្ត្រីការពារជាតិ Yoav Gallant ពីបទធ្វើយុទ្ធនាការយោធារបស់អុីស្រាអែលនៅហ្គាហ្សា។
នេះគឺជាសេចក្តីព្រាងច្បាប់ដំបូងមួយដែលសភាតំណាងរាស្រ្តបានអនុម័តចាប់តាំងពីសភាអាមេរិកថ្មីបានចាប់ផ្តើមប្រជុំកាលពីសប្តាហ៍មុន។
ជាមួយគ្នានេះដែរ មេដឹកនាំសំឡេងភាគច្រើននៅព្រឹទ្ធសភា លោក John Thune បានសន្យាថានឹងពិចារណា និងបោះឆ្នោតនៅក្នុងព្រឹទ្ធសភាក្នុងពេលឆាប់ៗនេះ ដើម្បីឲ្យសេចក្តីព្រាងច្បាប់នេះដាក់ជូនលោកប្រធានាធិបតី Donald Trump ឱ្យចូលជាធរមានភ្លាមៗ បន្ទាប់ពីចូលកាន់តំណែងនៅថ្ងៃទី២០ ខែកុម្ភៈ ។
តុលាការឧក្រិដ្ឋកម្មអន្តរជាតិ គឺជាតុលាការអចិន្ត្រៃយ៍ ដើម្បីកាត់ទោសបុគ្គល ពីបទប្រល័យពូជសាសន៍ ឧក្រិដ្ឋកម្មប្រឆាំងមនុស្សជាតិ ឧក្រិដ្ឋកម្មសង្គ្រាម និងឧក្រិដ្ឋកម្មឈ្លានពាន៕ ដោយ៖ ធីរីណា