សារព័ត៌មាន នគរវត្ត តែងតែនាំមុខគេជានិច្ច
សហព័ន្ធបាល់ទាត់របស់ប្រទេស (FCRF) បានប្រកាសនៅក្នុងសេចក្តីថ្លែងការណ៍មួយថា អតីតគ្រូបង្វឹកម៉ិកស៊ិក លោក Miguel Herrera ត្រូវបានតែងតាំងជាគ្រូបង្វឹកក្រុមជម្រើសជាតិកូស្តារីកា មុនពេលការប្រកួតបាល់ទាត់ពិភពលោកឆ្នាំ២០២៦។
លោក Herrera វ័យ៥៦ឆ្នាំដែលជាអតីតខ្សែការពារដែលបានដឹកនាំប្រទេសម៉ិកស៊ិកឡើងដល់វគ្គ១៦ក្រុមចុងក្រោយនៅ World Cup 2014 និងពានរង្វាន់ CONCACAF Gold Cup ក្នុងឆ្នាំ២០១៥ បានជំនួសលោក Gustavo Alfaro ដែលបានចាកចេញកាលពីខែសីហាទៅធ្វើជាគ្រូបង្វឹកប៉ារ៉ាហ្គាយ។
លោក Claudio Vivas ដែលបានចូលកាន់តំណែងជាអ្នកចាត់ការបណ្ដោះអាសន្នរបស់ជម្រើសជាតិកូស្តារីកា ត្រូវបានបណ្តេញចេញកាលពីខែវិច្ឆិកា បន្ទាប់ពីការចាកចេញរបស់ប្រទេសនេះពីការប្រកួតវគ្គ១/៤ ផ្តាច់ព្រ័ត្រនៃ CONCACAF Nations League ។
កូស្តារីកាកំពុងឈរកំពូលតារាងពូល B ក្នុងជុំទីពីរនៃវគ្គជម្រុះ World Cup របស់អាមេរិកខាងជើង។ ពួកគេត្រូវប្រឈមមុខជាមួយក្រុម Bahamas និងក្រុម Trinidad and Tobago ក្នុងខែមិថុនា ខណៈដែលពួកគេដេញថ្លៃដើម្បីកក់កៅអីវគ្គផ្តាច់ព្រ័ត្រ World Cup ជាលើកទី៤ជាប់ៗគ្នា៕
ដោយ៖ ភារៈ(រូបភាព ៖ CNA)
