សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖បុរសម្នាក់បេីករថយន្ត ស៊េរីទំនើបម៉ាកTesla Cybertruck មួយគ្រឿងក្នុងល្បឿនលឿនបួងចង្កូតបត់មិនប្រយ័ត្នក៏បានរេចង្កូតបុកឡើងខឿនសួនផ្លូវកល់ជាប់ទៅមុខលែងរួចខូចខាតយ៉ាងដំណំ។
ហេតុការណ៍ ខាងលើនេះដែរបានកើតឡើងកាលពីវេលាម៉ោង៥ភ្លឺ ថ្ងៃទី១៥ខែមករា ឆ្នាំ២០២៥ស្ថិត នៅតាមបណ្ដោយផ្លូវ ១១៣ ចំណុចបរិវេណបឹងកក់ ក្នុងសង្កាត់ ស្រះចក ខណ្ឌ ដូនពេញ រាជធានី ភ្នំពេញ ។
បើតាមការបញ្ជាក់ពីកន្លែងកើតហេតុបានឲ្យដឹងថា នៅមុនកើតហេតុគេឃើញ បុរសម្នាក់បេីករថយន្ត Tesla Cybertruck ពាក់ផ្លាកលេខកម្ពុជា LBT.CARS ធ្វើដំណើរតាមបណ្ដោយផ្លូវ ៦១៦ ក្នុងទិសដៅ ពីត្បូងទៅជេីង ពេលបើកមកដល់ចំណុចកើតហេតុក៏បានបួងចង្កូតបត់ឆ្វេងឆ្ពោះទៅផ្លូវ ១១៣ វិញ ខណះបួងចង្កូតបត់មិនប្រយ័ត្នក៏ជ្រុលទៅបុកឡើងខឿនសួនផ្លូវធ្វើឲ្យរថយន្តបែកកង់កល់ជាប់ទៅមុខលែងរួចខូចខាតយ៉ាងដំណំ សំណាងល្អមិនបង្កឲ្យគ្រោះថ្នាក់ដល់មនុស្ស។ចំណែកឯអ្នកបើករថយន្តបង្កមិនបានរត់ទៅណានោះទេរងចាំការដោះស្រាយជាមួយក្រុមហ៊ុន។
ក្រោយកេីតហេតុភាគីខាងរថយន្តផ្ដល់សំណងទៅកាន់ក្រុមហ៊ុនដេីម្បីបញ្ចប់រឿង៕
ដោយ ៖ ភារ៉ា ដង្កោ
