ឆ្លងចរន្តអគ្គិសនីបណ្ដាលឲ្យក្លាយជាអគ្គីភ័យឆេះបន្ទប់ផ្ទះមួយនៅខណ្ឌបឹងកេងកង

ភ្នំពេញ÷ នៅវេលាម៉ោង១៤និង៥០នាទីរសៀល ថ្ងៃទី១៦ ខែកុម្ភៈ ឆ្នាំ២០២៥ មានករណីអគ្គិភ័យមួយ​កន្លែងកើត ឡើងនៅផ្ទះលេខ៧៥E1 ផ្លូវ៣១០ សង្កាត់បឹងកេងកងទី២ ខណ្ឌបឹងកេងកង។

ហេតុការណ៍​អគ្គិភ័យឆាបឆេះនេះ បណ្តាលមកពីឆ្លងចរន្តអគ្គិសនីបង្កជាអគ្គិភ័យ។ អគ្គិភ័យនេះធ្វើឱ្យឆេះខូចខាតបន្ទប់ជាន់ទី១ទំហំ ០៤ម៉ែត្រ X០៦ម៉ែត្រ ចំនួន ០១បន្ទប់ រួមមានម៉ាស៊ីនត្រជាក់ ចំនួន០២គ្រឿង, កង្ហារបឺតខ្យល់ ចំនួន០១គ្រឿង, កុំព្យូទ័រ ចំនួន០២គ្រឿង, កាមេរ៉ា ចំនួន០២គ្រឿង រួមទាំងសម្ភារប្រើប្រាស់មួយចំនួនទៀត។

នៅវេលាម៉ោង១៥និង៥០នាទីរសៀល ថ្ងៃទីខែឆ្នាំដដែល អគ្គិភ័យនេះត្រូវបានពន្លត់បានទាំងស្រុង ដោយប្រើ ប្រាស់រថយន្តការិយាល័យអគ្គិភ័យរាជធានីភ្នំពេញ ចំនួន ០៤គ្រឿង ប្រេីប្រាស់ទឹកអស់ចំនួន ០៤ឡាន ស្មើនឹង១៦ម៉ែត្រគូប៕

ដោយ៖ សូរិយា