សារព័ត៌មាន នគរវត្ត តែងតែនាំមុខគេជានិច្ច
គ្រូបង្វឹក Didier Deschamps បាននិយាយកាលពីថ្ងៃព្រហស្បតិ៍ថា Kylian Mbappe ត្រូវបានកោះហៅចូលក្រុមជម្រើសជាតិបារាំងជាលើកដំបូងចាប់តាំងពីខែកញ្ញាឆ្នាំមុន ពេលបារាំងប៉ះនឹងក្រុមក្រូអាតក្នុងការប្រកួត Nations League វគ្គ ៨ក្រុមចុងក្រោយ។
ខ្សែប្រយុទ្ធវ័យ ២៦ ឆ្នាំដែលលេងបាន ៨៦ ប្រកួតឲ្យក្រុមជម្រើសជាតិបារាំងមិនត្រូវបានដាក់បញ្ចូលក្នុងក្រុមសម្រាប់ការប្រកួត Nations League របស់ពួកគេក្នុងខែតុលា និងវិច្ឆិកា បន្ទាប់ពីចុះហត្ថលេខាជាមួយ Real Madrid កាលពីខែកក្កដា។
លោក Deschamps បានប្រាប់សន្និសីទសារព័ត៌មានមួយថា “ខ្ញុំបានពិភាក្សាជាមួយគាត់។ ខ្ញុំអាចបញ្ជាក់នូវអ្វីដែលខ្ញុំបានប្រាប់អ្នកកាលពីប៉ុន្មានសប្តាហ៍មុន គាត់នឹងក្លាយជាប្រធានក្រុមរបស់យើង” ។
បារាំងនឹងប្រកួតជើងទីមួយនៅទឹកដីក្រូអាតនៅថ្ងៃព្រហស្បតិ៍សប្តាហ៍ក្រោយហើយជើងទី២នឹងលេងនៅកីឡដ្ឋាន Stade de France នៅថ្ងៃទី ២៣ ខែមីនាក្នុងប្រទេសបារាំង៕
ដោយ៖ ភារៈ
