សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ជនសង្ស័យ២នាក់បានជិះម៉ូតូធ្វេីសកម្មភាពឆក់យកកាបូបពីនារីម្នាក់ខណៈជិះម៉ូតជាមួយបុរសជនជាតិស្បែកខ្មៅ បានសម្រេចគេចខ្លួនបាត់ស្រមោល។
ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង១០និង៣០នាទីយប់ថ្ងៃទី២៦ ខែមីនា ឆ្នាំ២០២៥ នៅគល់ស្ពានអាកាស៧មករា ស្ថិតក្នុងសង្កាត់ទឹកថ្លា ខណ្ឌសែនសុខ ។
នារីរងគ្រោះឈ្មោះ អូ សុខណាត អាយុ៣២ឆ្នាំ មុខរបរបុគ្គលិកហាងបារាំង ស្នាក់នៅសង្កាត់ផ្សារកណ្ដាល២ ខណ្ឌដូនពេញ រាជធានីភ្នំពេញ ។ នារីរងគ្រោះបានបញ្ជាក់ប្រាប់ថា ក្នុងកាបូបស្ពាយរបស់នាងខាងលើមានទូរស័ព្ទមួយគ្រឿង អត្តសញ្ញាណប័ណ្ណមួយ នឹងកាតធនាគារចំនួនពីរ ។
តាមប្រភពព័ត៌មានពីនារីរងគ្រោះបាននិយាយប្រាប់ថា នៅមុនពេលកេីតហេតុគាត់ធ្វើដំណើរចេញពីម្តុំផ្សារដីហុយ ដោយបុរសជនជាតិស្បែកខ្មៅម្នាក់ជាអ្នកឌុបធ្វើដំណើរតាមបណ្ដោយផ្លូវសហព័ន្ធរុស្ស៊ី ក្នុងទិសដៅពីលិចទៅកេីត លុះបេីកមកដល់ចំណុចកេីតហេតុ ក៏ស្រាប់តែឃេីញជនសង្ស័យ២នាក់ជិះម៉ូតូមួយគ្រឿងមិនចាំម៉ាកនិងស្លាកលេខ មកក្បែរបានឆក់យកកាបូបស្ពាយហេីយជនសង្ស័យបានជិះរត់គេច នៅពេលនោះដោយមានបងប្អូនប្រជាពលរដ្ឋនាំគ្នាដេញដែរតែដេញមិនទាន់ ធ្វើឱ្យជនសង្ស័យជិះរត់គេចខ្លួនបាត់ស្រមោល ។
ក្រោយពេលកេីតហេតុជនរងគ្រោះបានទៅដាក់ពាក្យបណ្ដឹងដេីម្បីអោយសមត្ថកិច្ចជួយអន្តរាគមន៍៕
ដោយ ៖ សុខាសែនជ័យ
