Breaking News៖ នៅព្រឹកថ្ងៃទី២៩ ខែមីនា នេះ មានករណីជនសង្ស័យប្លន់រថយន្តលើផ្លូវល្បឿនលឿន និងត្រូវបានសមត្ថកិច្ចស្រុកអង្គស្នួលឃាត់ខ្លួនបានហើយ

ខេត្តកណ្តាល ៖ ជនសង្ស័យប្លន់រថយន្តលើផ្លូវល្បឿនលឿន នាព្រឹកថ្ងៃទី២៩ ខែមីនា ឆ្នាំ២០២៥ នេះ ត្រូវបានកម្លាំងសមត្ថកិច្ច ស្រុក អង្គស្នួល ខេត្តកណ្តាល បានអះអាងថា ឃាត់ខ្លួនបានហើយ ចំណែកបក្ខពួកម្នាក់ទៀតកំពុងរត់គេចខ្លួន ។

សមត្ថកិច្ចបានបញ្ជាក់ថា ជនសង្ស័យ ពេល ប្លន់រថយន្តពីផ្លូវល្បឿនលឿនហើយនោះ បានយកទៅប្លុងចោល នៅខណ្ឌកំបូល បន្ទាប់មកធ្វើសកម្មភាពប្លន់រថយន្ត ១គ្រឿង ទៀត ហើយជិះគេចខ្លួន។

សមត្ថកិច្ចបន្ថែមថា ពេលជនសង្ស័យជិះ ដល់ខណ្ឌព្រែកព្នៅ ក៏ត្រូវសមត្ថកិច្ច ឃាត់ខ្លួនបានហើយ ប្រគល់ខ្លួនជូន សមត្ថកិច្ចនៅស្រុកអង្គស្នួល ខេត្ត កណ្ដាលបន្តនីតិវិធី។ 

លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានឱ្យដឹងថា ៖ ក្រុមនេះជាមុខសញ្ញាចាស់ ដែលធ្វើសកម្មភាព ឆក់ ប្លន់ នៅរាជធានីភ្នំពេញ សមត្ថកិច្ចបានតាមប្រមាញ់ចាប់ ប៉ុន្តែបានគេចឡើងផ្លូវល្បឿនលឿន ហើយមានកាំភ្លើងនៅដៃ ក៏បានប្លន់រថយន្តនៅលើផ្លូវល្បឿនលឿន ដើម្បីធ្វើជាមធ្យោបាយបើកគេចខ្លួន ។ លោកស្នងការបន្តថា ៖ កន្លងមកសមត្ថកិច្ចនគរបាលព្រហ្មទណ្ឌក្រសួងមហាផ្ទៃធ្លាប់ចាប់ខ្លួនផងដែរ ។ ដូច្នេះពួកជនសង្ស័យជាមុខសញ្ញាចាស់ ដែលសមត្ថកិច្ចស្រាវជ្រាបបង្រ្កាប ទើបគេចខ្លួន ទៅកាន់ឡើងផ្លូវល្បឿនលឿន ហើយមានកាំភ្លើងនៅដៃ ក៏បានប្លន់រថយន្តនៅលើផ្លូវល្បឿនលឿន ដើម្បីធ្វើជាមធ្យោបាយបើកគេចខ្លួន ទីបំផុត សមត្ថកិច្ចចាប់ខ្លួនបានអស់ហើយ ៕

ដោយ ៖ សិលា