សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្តាល ៖ រសៀលថ្ងៃទី៣០ ខែមីនា ឆ្នាំ២០២៥ នេះ លោក គង់ កៃដូ នាយករងខុទ្ទកាល័យ និងលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានអញ្ជើញចុះសួរសុខទុក្ខ និងនាំយកថវិកា លោកអភិសន្តិសណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងក្រុមគ្រួសារ ប្រគល់ជូនលោកអនុសេនីយ៍ឯក សំ ភារ៉ាក់ នាយរងផ្នែកយុត្តិធម៌ នៃអធិការដ្ឋាននគរបាលស្រុកអង្គស្នួល ខេត្តកណ្តាល ដែលទទួលរងគ្រោះថ្នាក់ (បាក់ជើង) ក្នុងពេលបំពេញភារកិច្ចបង្ក្រាបល្មើស កំពុងសម្រាកព្យាបាលនៅមន្ទីរពេទ្យមិត្តភាពកម្ពុជា-ចិន ព្រះកុសុមៈ រាជធានីភ្នំពេញ។
ដោយឡែក លោក គួច ចំរើន អភិបាល នៃគណៈអភិបាលខេត្តកណ្តាល បានបង្ហោះផេកផ្លូវការនៅល្ងាចថ្ងៃទី៣០ ខែមីនា ឆ្នាំ២០២៥ ថា ៖ សូមកោតសរសេីរជាខ្លាំង ចំពោះលោក អនុសេនីយ៍ ឯក សំ ភារ៉ាក់និង លោក សេង ឧត្តម ដេីម្បីសន្តិសុខសាធារណៈ បានសម្រេចចិត្ត បេីកម៉ូតូទៅឃាត់ឡាន ជនសង្ស័យ ដែលបាញ់គម្រាមពីម្ចាស់ឡាន បេីករត់គេចខ្លួនកាលពីម្សិលមិញ តែជនសង្ស័យបានបេីកឡានបំបុកពួកគាត់ បណ្ដាលអោយនគរបាលយេីងរងរបួសជាទម្ងន់ បាក់ភ្លៅ មួយកំណាត់ ។
សូមជូនពរអោយលោកទាំងពីរ ឆាប់ជាសះស្បេីយ មករួមគ្នាកំចាត់ពួកឧក្រិដ្ឋជនបន្តទៀត ៕
ដោយ ៖ សិលា
