ព័ត៌មានទាន់ហេតុការណ៍៖

ក្នុងចំណោម៤ក្រុមចុងក្រោយMan City ជាក្រុមមានសង្ឃឹមខ្ពស់ជាងគេឈ្នះពាន FA Cup

ចែករំលែក៖

កម្មវិធីពានរង្វាន់អង់គ្លេស FA Cup បានរកឃើញ៤ក្រុមចុងក្រោយហើយ ដោយក្លឹប Manchester City ត្រូវបានគេរំពឹងថាជាអ្នកគ្រងជើងឯកក្នុងឆ្នាំនេះ។

Man City ដែលជាជើងឯក Premier League ឆ្នាំមុន បានយកឈ្នះលើក្រុម Bournemouth ក្នុងលទ្ធផល 2-1 កាលពីថ្ងៃអាទិត្យហើយត្រូវឡើងទៅប៉ះក្រុម Nottingham Forest ដែលកំពុងឡើងជើងខ្លាំងនៅក្របខ័ណ្ឌកំពូលរបស់អង់គ្លេសដែរ។ 

ក្រុមMan City ត្រូវបានម្ចាស់ផ្ទះ Bournemouth នាំមុខមុនដោយខ្សែប្រយុទ្ធEvanilson នៅនាទីទី២១ក្រោយពេលកីឡាករ E.Haaland ស៊ុតបាល់ពិន័យ១១ម៉ែត្រអត់ចូលនៅនាទីទី១៤។ ប៉ុន្តែខ្សែប្រយុទ្ធសញ្ជាតិន័រវេសរូបនេះរកបានមួយគ្រាប់វិញនៅនាទីទី៤៩ ហើយកីឡាករអេហ្ស៉ីប  Marmoushដែលផ្លាស់ចូលក្នុងតង់ទី២ជំនួស Haaland ដែលរងរបួសនៅនាទីទី៦១ បានស៊ុតបញ្ចូលទីឱ្យMan City នៅនាទីទី៦៣ ទទួលជ័យជម្នះតែម្តង។

ចំណែកAston Villa បានយកឈ្នះលើក្រុម Preston North End មកពីក្របខ័ណ្ឌ Championship នឹងត្រូវប៉ះជាមួយនឹងក្រុម Crystal Palace ក្នុងវគ្គ 4ក្រុម ចុងក្រោយនៅឯកីឡដ្ឋាន Wembley ។

វគ្គពាក់កណ្តាលផ្តាច់ព្រ័ត្រFA Cup នឹងធ្វើឡើងនៅចុងសប្តាហ៍ថ្ងៃទី 26 និង 27 ខែមេសាខាងមុខ ៕

ដោយ៖ ភារៈ


ចែករំលែក៖