សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តយីឌុបមួយគ្រឿង ខណៈអ្នកបេីកបរបេីកលឿនខ្វះការប្រុងប្រយ័ត្នបានរេចង្កូតឡេីងលេីខឿនពុះចែកទ្រូងផ្លូវជ្រុលបុកបង្គោលប៉ាន់ណូនឹងបង្គោលភ្លើងអស់ចំនួន២ដេីម ឯរថយន្ដដាច់កាឡេមួយចំហៀង បេីកទៅមុខមិនរួចដោយអ្នកបេីកបរនឹងអ្នករួមដំណើរនាំគ្នារត់គេចខ្លួនបាត់ បង្កឲ្យមានការភ្ញាក់ផ្អើលកាលពីវេលាម៉ោង៣នឹង ៥០នាទីរំលងអធ្រាត្រ ឈានចូលថ្ងៃទី៣១ ខែមីនា ឆ្នាំ២០២៥ នៅតាមបណ្ដោយផ្លូវ ភ្នំពេញហាណូយដែល ស្ថិតនៅសង្កាត់ទឹកថ្លា ខណ្ឌសែនសុខ រាជធានី ភ្នំពេញ ។
តាមប្រភពពត៌មានពីកន្លែងកើតហេតុបានឲ្យដឹង ថានៅមុនពេលកេីតហេតុគេឃើញរថយន្ត បង្កម៉ាក ហុីយ៉ាន់ដាយ ពណ៌ស ពាក់ ផ្លាកលេខ តាកែវ 3A-2271 បេីកតាមបណ្តោយផ្លូវភ្នំពេញហាណូយ ក្នុងទិសដៅពីជើងទៅត្បូងក្នុងល្បឿនយ៉ាងលឿន លុះបេីកមកដល់ចំណុច កេីតហេតុ ក៏ស្រាប់តែឃេីញរថយន្ដបង្កខាងលើ បានរ៉េចង្កូតទៅផ្នែកខាងឆ្វេងបណ្តាលឲ្យ ឡេីងលេីឃឿនពុះចែកទ្រូងផ្លូវហេីយជ្រុលទៅបុកបង្គោលប៉ាន់ណូអស់ចំនួនមួយដេីម ហេីយរថយន្តបានបន្តទៅមុខជ្រុលទៅបុកបង្គោលភ្លើងមួយដេីមទៀតបណ្តាលឲ្យរងការខូចខាតយ៉ាងធ្ងន់ធ្ងរ ចំណែករថយន្តបង្កខាងលេី បណ្តាលឲ្យដាច់កាឡេកង់ផ្នែកខាងឆ្វេង នឹងផ្ទុះ កង់ជាច្រើនគ្រាប់រថយន្តបេីកទៅមុខមិន រួចអ្នកបេីកបរបានគេចខ្លួនបាត់ស្រមោល ទុករថយន្តនៅកន្លែងកើតហេតុ ។
ក្រោយពេលកេីតហេតុ ដោយមានកម្លាំងសមត្ថកិច្ចនគរបាលប៉ុស្តិ៍បានមកកន្លែងកេីតហេតុភ្លាមៗ ហេីយបានទាក់ទងទៅសមត្ថកិច្ចជំនាញ នៃការរិយាល័យចរាចរណ៍ផ្លូវគោករាជធានីភ្នំពេញដើម្បីធ្វើការស្ទូចយករថយន្តបង្កខាងលើយកទៅរក្សាទុកដេីម្បីរង់ចាំការដោះស្រាយថ្ងៃក្រោយ ៕
ដោយ ៖ ភារ៉ា ដង្កោ
