សារព័ត៌មាន នគរវត្ត តែងតែនាំមុខគេជានិច្ច
ខេត្តរតនគិរី ៖ កាលពីថ្ងៃទី៣១ ខែមីនាឆ្នាំ២០២៥ នៅលើបណ្ដាញទំនាក់ទំនងសង្គមហ្វេសប៊ុក មានការបង្ហោះព្រោងព្រាត អំពីសកម្មភាព ប្ដីដ៏សាហាវឃោរឃៅ ប្រើអំពើហិង្សាមកលើប្រពន្ធទាំងកូនខ្ចី វាយ ទាត់ធាក់ យ៉ាងកម្រោល ។ ទោះបីប្រពន្ធ និងកូនទ្រហោយំ ក៏ប្ដីរូបនេះ នៅតែបន្តទាត់ធាក់ ទាយសក់អូស ទាំងគ្មានអាវ វាស្ទើរស្លាប់ ។ ទីបំផុត ! ប្ដី តិរច្ឆានឈ្មោះ ទីង ជឿន ភេទប្រុស អាយុ៥៦ ឆ្នាំ ជនជាតិទំពួន រស់នៅភូមិប៉ាអរ ឃុំកិចុង ស្រុកបរកែវ ខេត្តរតនគិរី ត្រូវសមត្ថកិច្ចឃាត់បាន ។ ខ្លួនគេបានសារភាពថា ខ្លួនពិតជាបានស្រវឹងស្រា ហើយបានប្រព្រឹត្តអំពីហឹង្សាវាយទៅលើប្រពន្ធ ឈ្មោះ រចំ ហែន ពិតប្រាកដមែន។
សមត្ថកិច្ចឱ្យដឹងថា ៖ ជនរងគ្រោះ ជាប្រពន្ធ បានសម្រាក ព្យាបាល នៅ មណ្ឌល សុខភាព ឃុំ កិចុង ។ ចំណែកប្ដីជាជនល្មេីស សមត្ថកិច្ច នគរបាល កសាងសំណុំរឿង បញ្ជូនទៅ តុលាការចាត់ការតាមច្បាប់ ។
សូមបញ្ជាក់ថា ៖ អំពើហិង្សា ក្នុងគ្រួសារ ធ្វើឱ្យ មានភាពតក់ស្លុត របស់ប្រពន្ធនិងកូន ត្រូវបានបាត់បង់សុភមង្គលធ្ងន់ធ្ងរបំផុត។ ម្យ៉ាងវិញទៀត ប្ដីប្រភេទនេះ ភាគច្រើនមានការយល់ដឹងក្នុងកម្រិតទាប បូករួមផឹកគ្រឿងស្រវឹងថែមទៀតនោះ គេពុំបានគិតអំពី សេចក្តីស្រឡាញ់ទៅលើក្រុមគ្រួសារឡើយ។ ដូចជាសកម្មភាពដែលបានប្រព្រឹត្តនេះ អ្នកដែលបានមើលតាមវីដេអូឃ្លីបហើយ ! ពិតណាស់ថា ! ត្រូវតែឲ្យសមត្ថកិច្ចចាត់វិធានការជាបន្ទាន់ ព្រោះសកម្មភាពរបស់គេ កាចសាហាវជាងសត្វតិរច្ឆានទៅទៀត ។ ដូច្នេះសមត្ថកិច្ច ក៏បានឃាត់ខ្លួនបានភ្លាមៗនៅយប់ថ្ងៃទី៣១ ខែមីនា ឆ្នាំ២០២៥ នេះក៏ជាការគាំទ្រចំពោះសមត្ថកិច្ចដែលលោកមានវិធានការ ក្នុងការបង្ក្រាបឃាត់ខ្លួនជនសង្ស័យ បានទាន់ពេលវេលា ៕
ដោយ ៖ សិលា
