សារព័ត៌មាន នគរវត្ត តែងតែនាំមុខគេជានិច្ច
ក្លឹប Barcelona បានបំបាក់ក្រុមភ្ញៀវ Borussia Dortmund ក្នុងលទ្ធផល ៤-០ ក្នុងការប្រកួតជើងទី១ វគ្គ៨ក្រុមចុងក្រោយ Champions League របស់ពួកគេកាលពីថ្ងៃពុធ បន្ទាប់ពីកីឡាករ Robert Lewandowski បានស៊ុតបាល់បញ្ចូលទី ២គ្រាប់ទល់នឹងក្លឹបចាស់របស់គាត់ មុនការវិលត្រឡប់ទៅកាន់ប្រទេសអាល្លឺម៉ង់វិញនៅសប្តាហ៍ក្រោយ។
ម្ចាស់ផ្ទះBarcelona បាននាំមុខដោយការស៊ុតរបស់ Raphinha នៅនាទីទី 25។ ការប្រកួតក្នុងតង់ទី២Barcelona មានការតាំងចិត្តកាន់តែខ្លាំងបន្ទាប់ពីការសម្រាក ហើយពួកគេបានបន្តនាំមុខបន្ថែមត្រឹមតែ 3 នាទីប៉ុណ្ណោះដោយ Raphinha បានជួយ Lewandowski ដែលបានតែតបាល់បញ្ចូលទី។ ខ្សែប្រយុទ្ធប៉ូឡូញដដែលនេះបានបន្ថែមការនាំមុខរបស់ពួកគេនៅនាទីទី 66 ខណៈដែល Lamine Yamalរកគ្រាប់បាល់ចុងក្រោយឱ្យ Barcelona នៅនាទី 77។
Barcelonកំពុងឡើងជើងខ្លាំងមិនដែលចាញ់ទាំង 23 ប្រកួតក្នុងគ្រប់ការប្រកួតទាំងអស់។ ពួកគេគឺជាក្រុមតែមួយគត់នៅក្នុងលីគកំពូលទាំងប្រាំរបស់អឺរ៉ុបដែលមិនទាន់ចាញ់នៅឆ្នាំ 2025 ហើយនៅតែស្ថិតក្នុងដំណើរការដើម្បីឈ្នះពានរង្វាន់ចំនួនបីក្នុងរដូវកាលនេះ។ ពួកគេនាំមុខ LaLiga ចំនួនបួនពិន្ទុលើក្រុម Real Madrid ដែលពួកគេត្រូវជួបក្នុងវគ្គផ្តាច់ព្រ័ត្រ Copa del Rey នៅថ្ងៃទី 26 ខែមេសា។ Barcelona របស់លោក Hansi Flick ឥឡូវនេះបានស៊ុតបញ្ចូលទីបាន 36 គ្រាប់ក្នុង 11 ប្រកួតក្នុងក្របខ័ណ្ឌ Champions League និង 145 គ្រាប់ក្នុងការប្រកួតចំនួន 48 ដោយសារមានតំបន់ប្រយុទ្ធដែលបង្កើតដោយ Lewandowski, Yamal និង Raphinha៕
ដោយ៖ ភារៈ
