សារព័ត៌មាន នគរវត្ត តែងតែនាំមុខគេជានិច្ច
Liverpool នឹងត្រូវរង់ចាំពីរបីថ្ងៃទៀតដើម្បីក្លាយជាម្ចាស់ជើងឯក Premier League បើទោះបីជាទទួលជ័យជម្នះ 1-0 នៅលើទឹកដី Leicester City ហើយ Arsenal បានរក្សាក្តីសង្ឃឹមដ៏មុតស្រួចរបស់ពួកគេជាមួយនឹងលទ្ធផល 4-0 នៅលើទឹកដីក្រុម Ipswich Town កាលពីថ្ងៃអាទិត្យ។
ខ្សែការពារស្លាបTrent Alexander-Arnold គឺជាអ្នកស៊ុតគ្រាប់ជ័យជម្នះរបស់ Liverpool នៅនាទីទី 76 នៅកីឡដ្ឋាន King Power ជួយហង្សក្រហមនាំមុខ 13 ពិន្ទុនៅលើកំពូលតារាអង់គ្លេសPremier League ដោយនៅសល់ 5 ប្រកួតទៀតទើបចប់រដូវកាល។
លទ្ធផលនេះធ្វើឱ្យក្រុមLiverpool ត្រូវការជ័យជម្នះតែមួយប្រកួតទៀតប៉ុណ្ណោះដើម្បីក្លាយទៅជាម្ចាស់ជើងឯក ចំណែកក្រុម Leicester City បានក្លាយជាក្រុមទី២ត្រូវធ្លាក់ទៅលេងក្របខ័ណ្ឌChampionshipសារជាថ្មីម្តងទៀតជាមួយក្រុមSouthamton។Leicesterបានឈ្នះតែមួយប្រកួតប៉ុណ្ណោះក្នុងចំណោមការប្រកួត Premier League 19 ដងចុងក្រោយរបស់ពួកគេដោយទទួលបាន១៨ពិន្ទុក្នុងចំណោម៣៣ប្រកួត។
វាជាការកាត់ចោលលើកទីពីររបស់ក្រុមកញ្រ្ជោង Leicester ក្នុងរយៈពេលបីឆ្នាំដែលមានរយៈពេលមិនដល់១០ឆ្នាំបន្ទាប់ពីឈ្នះពាន Premier League និង FA Cup៕
ដោយ៖ ភារៈ
