សារព័ត៌មាន នគរវត្ត តែងតែនាំមុខគេជានិច្ច
ហង្សក្រហម Liverpool បានវាយបកតាមពីក្រោយរហូតបានផ្តួលក្រុម Tottenham Hotspur ក្នុងលទ្ធផល ៥-១ និងឈ្នះពានរង្វាន់អង់គ្លេស Premier League ប្រកបដោយទម្រង់លេងដ៏ល្អនៅកីឡដ្ឋាន Anfieldត្យកាលពីថ្ងៃអាទិត្យ (២៧ មេសា)។
ខ្សែប្រយុទ្ធDominic Solanke បានស៊ុតបាលបញ្ចូលទីនៅនាទីទី១២ឱ្យក្រុម Tottenham នាំមុខមុន។
ប៉ុន្តែ Liverpool បានវាយបកវិញដោយការស៊ុតបាល់បញ្ចូលទីដោយ Luis Diaz, Alexis Mac Allister និង Cody Gakpo នៅមុនពេលបញ្ចប់តង់ទីមួយ។
ចូលតង់ទី២កីឡាករ Mohamed Salah ស៊ុតបញ្ចូលបាល់ទាបកាត់កីឡាករ Guglielmo Vicario នៅនាទីទី 63 ហើយ៦នាទីក្រោយមក កីឡាករUdogie របស់ Tottenham ធ្វើឱ្យបាល់ចូលទីខ្លួនឯង។
ក្រោយទទួលបាន៣ពិន្ទុបន្ថែម Liverpool មាន ៨២ ពិន្ទុពី ៣៤ ប្រកួតហើយ Arsenal ឈរលេខ ២មាន ៦៧ ពិន្ទុខណៈនៅសល់៤ប្រកួតទៀតទើបចប់រដូវកាល។
ជើងឯកក្នុងរដូវកាលនេះធ្វើឱ្យហងក្រហមមានកំណត់ត្រាស្មើបិសាចក្រហមManchester United ដែលបានឈ្នះពានអង់គ្លេសPremier League ចំនួន២០ដងដូចគ្នា។ចំណែកArsenalធ្លាប់ឈ្នះ១៣ដង Evertonនិង Manchester Cityឈ្នះ៩ដងដូចគ្នា Aston Villa ឈ្នះ៧ដង ហើយChelseaនិង Sunderlandឈ្នះ៦ដងដូចគ្នា ៕
ដោយ៖ ភារៈ
មានករណីអគ្គិភ័យឆេះផ្ទះនៅច្រកចូលវត្តថាន់ ក្នុងខណ្ឌចំការមន
