🔥អគ្គិភ័យឆាបឆេះឃ្លាំង សិប្បកម្មផលិតស្មាច់ នៅខណ្ឌកំបូលផ្អេីលសមត្ថកិច្ចចុះអន្តរាគមន៍

ភ្នំពេញ ៖ ឃ្លាំងសិប្បកម្មផលិតស្មាច់មួយកន្លែង ស្ថិតនៅតាមផ្លូវចូលសាលាខណ្ឌកំបូល ក្នុងភូមិគល់ សង្កាត់កន្ទោក ខណ្ឌកំបូល រាជធានីភ្នំពេញ ត្រូវបានអគ្គិភ័យឆាបឆេះ​ កាលពីវេលាម៉ោង១១ព្រឹក ថ្ងៃទី០៨ ខែឧសភា ឆ្នាំ២០២៥ បង្កឱ្យភ្ញាក់ផ្អើល សមត្ថកិច្ច រថយន្តពន្លត់អគ្គិភ័យ ចេញទៅជួយអន្តរាគមន៍ ។

សិប្បកម្មខាងលើ សង់ជាគ្រោងដែក ប្រក់ស័ង្កសី ស្តុក ផលិតគ្រឿងធ្វើពីស្មាច់ ។

តាមប្រភពពីកន្លែងកេីតហេតុបានឱ្យដឹងថា មុនពេលកេីតហេតុទីតាំងខាងលេីមិនមានកម្មករធ្វេីការនោះទេដោយចាក់សោរខាងក្រៅ​ លុះមកដល់វេលាកេីតហេតុស្រាប់តែមានផ្សែងហុយចេញពីខាងក្នុងយ៉ាងខ្មួរខ្មាញ់ទេីបវាយសោរចូលនិងរាយការណ៍ទៅសមត្ថកិច្ចទាក់ទងហៅរថយន្តពន្លត់អគ្គិភ័យភ្លាមៗ​ ។

ក្រោយពីទទួលបានព័ត៌មានភ្លាមៗ ត្រូវបានសមត្ថកិច្ច រថយន្តពន្លត់អគ្គិភ័យ បុរីសង្ឃឹមថ្មី រថយន្តអង្គភាព៩១១ នៅក្បែរនោះចេញអន្តរាគមន៍ បាញ់ទឹកពន្លត់ភ្លាមៗ ។ សម្ភារៈខូចខាត តែគ្រឿងជ័រ ស្មាច់បន្តិចបន្តួចតែប៉ុណ្ណោះ និងមិនបង្កឱ្យអ្នកណារងរបួសឡើយ​ ចំពោះមូលហេតុសង្ស័យផ្តេីមមកពីឆ្លងចរន្តអគ្គិសនី ៕

ដោយ៖ សុខាសែនជ័យ