សារព័ត៌មាន នគរវត្ត តែងតែនាំមុខគេជានិច្ច
Manchester United និង Tottenham ដែលជាក្រុមមកពីប្រទេសអង់គ្លេសទាំងពីរ នឹងជួបគ្នាក្នុងវគ្គផ្តាច់ព្រ័ត្រ Europa League នៅថ្ងៃទី ២១ ខែឧសភា ឆ្នាំ២០២៥នៅក្នុងទឹកដីក្លឹបAthletic Bilbaoរបស់អេស្ប៉ាញ។
ក្លឹបបិសាចក្រហម Man United របស់ លោកគ្រូបង្វឹក Ruben Amorim បានយកឈ្នះលើក្រុមអេស្ប៉ាញ Athletic Bilbao 7-1 សរុបទាំងពីរជើងក្នុងវគ្គពាក់កណ្តាលផ្តាច់ព្រ័តរបស់ពួកគេ ដើម្បីឈានទៅវគ្គបន្ត ខណៈដែល Spurs បានយកឈ្នះ Bodo/Glimt 5-1 សរុបទាំងពីរជើង។
Man United មានសង្ឃឹមថាអាចឈ្នះពានរង្វាន់ Europa League ជាលើកទីពីរក្នុងរយៈពេល ៨ឆ្នាំ ខណៈដែល Tottenham កំពុងតែស្រេកឃ្លាននឹងការឈ្នះពានរង្វាន់ទ្វីបអឺរ៉ុបដែលរង់ចាំរយៈពេល ៤១ ឆ្នាំមកហើយ។
Manchester United និង Tottenham លេងអន់ដូចគ្នាក្នុងស្រុកក្នុងរដូវកាលនេះ ខណៈដែលពួកគេឈរនៅលេខ 15 និង 16 រៀងគ្នាក្នុង តារាងអង់គ្លេសPremier League ។ ទោះជាយ៉ាងណាក៏ដោយការឈ្នះ ពានរង្វាន់អឺរ៉ុបនឹងអាចចាត់ទុកថាជាជោគជ័យមួយរបស់ពួកគេ។
ការទទួលជ័យជម្នះក្នុងវគ្គផ្តាច់ព្រ័ត្រនឹងមានន័យថាមិនមែនគ្រាន់តែបានទទួលកន្លែងមួយក្នុងក្របខ័ណ្ឌ Champions League នៅរដូវកាលក្រោយនោះទេ ហើយទទួលបានទឹកប្រាក់ដ៏ច្រើនសន្ធឹកសន្ធាប់គឺ១០០លានផោនដែលភ្ជាប់មកជាមួយផងដែរ ៕
ដោយ៖ ភារៈ
