មានករណីអគ្គិភ័យឆេះផ្ទះនៅច្រកចូលវត្តថាន់ ក្នុងខណ្ឌចំការមន

ភ្នំពេញ ៖ អគ្គិភ័យឆាបឆេះផ្ទះនៅច្រកចូលវត្តថាន់ បង្កការភ្ញាក់ផ្អើលនិងខូចខាតស្ទើរទាំងស្រុង រួមជាមួយនឹងសម្ភារៈមួយចំនួនផងដែរ តែមិនបានរាលដាល ឬ នរណារងរបួសនោះឡើយ គ្រោះអគ្គិភ័យខាងលើនេះ បង្កភ្ញាក់ផ្អើលនាវេលាម៉ោង០៣និង១០នាទីរសៀលថ្ងៃទី ១៣ ខែឧសភា ឆ្នាំ២០២៥ នៅចំណុចផ្ទះនៅច្រកចូលវត្តថាន់តាមបណ្តោយផ្លូវ នរោត្តម កែងផ្លូវសុធារស ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។

បើតាមប្រភពព័ត៌មានពីប្រជាពលរដ្នបានអោយដឹងថា គេធុំក្លិនឈ្ងៀមចេញពីផ្ទះកើតហេតុខាងលើ នឹងមានលាយឡំផ្សែងហុយខ្មៅឃ្មួលឃ្មាញ់ ហុយចេញមកក្រៅ ។ ភ្លាមៗ ក៏លឺសំឡេងស្រែកចេញពីខាងក្នុងផ្ទះដែលឆាបឆេះ ទើបបង្កអោយមានការឆោរឡោដល់ព្រះសង្ឃទាំងអស់ហើយបាន រាយការណ៍ជូនសមត្ថកិច្ច ដើម្បីអោយសមត្ថកិច្ចជួយបន្តទាក់ទង ទៅមន្រ្តីជំនាញបង្ការនឹងពន្លត់អគ្គិភ័យ មកជួយអន្តរាគមន៍បាញ់ពន្លត់ជៀសវាងមានការរាលដាល ។

អគ្គិភ័យខាងលើបានឆាបឆេះផ្ទះជាន់ទី៣ស័ង្កសី ត្រូវបានឆាបឆេះស្ទើរទាំងស្រុង រួមជាមួយសម្ភារៈមួយចំនួនផងដែរ តែមិនបង្កអោយនរណារងរបួសនោះឡើយ នឹងមិនមានការរាលដាលដល់ផ្ទះដទៃនោះឡើយ ។

ហើយក្នុងប្រតិបត្តិការខាងលើនេះដែរ រថយន្តបង្ការនឹងពន្លត់អគ្កិភ័យ នៃស្នងការដ្ឋាននគរបាលរាជធានីភ្នំពេញ មកដល់ទីតាំងចំនួនជាង១០គ្រឿងនិង បាញ់រលត់ជាស្ថាពរ ។ ចំពោះមូលហេតុ សមត្ថកិច្ចកំពុងធ្វើការស្រាវជ្រាវ ៕

ដោយ៖ ជីណា