នគរបាលស្រុកត្បូងឃ្មំុឃាត់ខ្លួនជនសង្ស័យម្នាក់ជាប់ពាក់ព័ន្ធគ្រឿងញៀន

ខេត្តត្បូងឃ្មំុៈ ជនសង្ស័យម្នាក់ ត្រូវបានកម្លាំងនគរបាលស្រុកត្បូងឃ្មំុឃាត់ខ្លួន ក្នុងករណីជាប់ពាក់ពន្ធ័នឹងសារធាតុញៀន ។

ការឃាត់ខ្លួននេះធ្វើឡើងនៅវេលាម៉ោង ១៧ និង ២០នាទី ថ្ងៃទី១៨ ខែកញ្ញា ឆ្នាំ២០១៦ នៅភូមិកណ្តោលត្បូង ឃុំជីគរ ស្រុក-ខេត្តត្បូងឃ្មុំ ។

លោក ឡុង សារិន អធិការរងនគរបាលស្រុកត្បូងឃ្មំុបានឲ្យដឹងថា កម្លាំងជំនាញប្រឆាំងគ្រឿងញៀនស្រុកត្បូងឃ្មុំ បានស្រាវជ្រាវបង្ក្រាប ករណីរក្សាទុក ជួញដូរ ដោយខុសច្បាប់នូវសារធាតុញៀន និងឃាត់ខ្លួន ជនសង្ស័យចំនួន ០១នាក់ ឈ្មោះ ឆន ឆាត ភេទប្រុស អាយុ៤៤ឆ្នាំ រស់នៅកន្លែងចាប់ខ្លួនខាងលើ។

ក្នុងនោះកម្លាំងជំនាញដកហូតម៉្សៅក្រាមពណ៌សសង្ស័យជាថ្នាំញៀន ចំនួន ១០កញ្ចប់តូច និងសម្ភារៈវេចខ្ចប់ និងសេពគ្រឿងញៀនមួយចំនួន ។

លោកអធិការរងបានបញ្ជាក់ថា បច្ចុប្បន្នជនសង្ស័យ និងវត្ថុតាងកំពុងសាកសួរដើម្បីកសាងសំណំុរឿងបញ្ជូនទៅសាលាដំបូងខេត្តចាត់ការតាមច្បាប់ ៕ វណ្ណះ