🔥ឆ្លងចរន្តអគ្គិសនីបង្កជាអគ្គិភ័យឆេះផ្ទះ០១ខ្នងនៅស្រុកភ្នំព្រឹក

ខេត្តបាត់ដំបង៖ ផ្ទះ០១ខ្នងត្រូវបានអគ្គិភ័យឆាបឆេះបង្កការភ្ញាក់ផ្អើលនៅវេលាម៉ោង១១និង២០នាទីព្រឹក ថ្ងៃទី៣០ ខែ មិថុនា ឆ្នាំ២០២៥ នៅចំណុចភូមិ​បួរ​ ឃុំ​បួរ​ ស្រុកភ្នំព្រឹក​ ​ខេត្ត​បាត់ដំបង​ ។

ផ្ទះដែលត្រូវអគ្គិភ័យឆាបឆេះខាងលើមានទំហំ ៤ម៉ែត្រ ×៦ម៉ែត្រ សង់អំពីដែក ដំបូលប្រក់ស័ង្កសី ជញ្ជាំងស័ង្កសី ឆេះទាំងស្រុង រួមជាមួយម៉ាស៊ីនអាឈេី និងសម្ភារៈប្រេីប្រាស់១ចំនួន ដែលមានម្ចាស់​ឈ្មោះ​ សួង​ សាមុន ភេទប្រុស​ អាយុ​៣៣​ឆ្នាំ មានទីលំនៅភូមិ​បួរ​ ឃុំបួរ ស្រុកភ្នំព្រឹក​ ខេត្ត​បាត់ដំបង។

​  ចំពោះករណីអគ្គិភ័យខាងលើនេះដែរ សមត្ថកិច្ចបានបញ្ជាក់ថា គឺផ្តើមចេញពីការឆ្លងចរន្តអគ្គិសនីភ្លើងអាគុយសូឡា ទើបបណ្តាលឱ្យឆេះឡើងតែម្តង តែមិនបង្កអោយមានគ្រោះថ្នាក់ដល់មនុស្សឬសត្វឡើយ៕

ដោយ៖ សូរិយា