សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសជនជាតិចិនម្នាក់បានស្លាប់ភ្លាមៗខណៈឡើងទៅលេីទូកុងតឺន័រ ដេីម្បីចងខ្សែដែលដាច់ចេញពីស៊ុមកញ្ចក់។
សមត្ថកិច្ចបានឲ្យដឹងថា ករណីនេះបានកើតឡើងនៅវេលាម៉ោង ១៦និង៣០នាទីថ្ងៃទីរសៀល ៣០ ខែ មិថុនា ឆ្នាំ២០២៥ ស្ថិតនៅឃ្លាំងជួលក្នុងភូមិសំរោងទាវ សង្កាត់ ក្រាំងធ្នង់ ខណ្ឌសែនសុខ រាជធានីភ្នំពេញ។
សមត្ថកិច្ចបានបញ្ជាក់ឲ្យដឹងទៀតថា សពមានឈ្មោះ HU YU ភេទ ប្រុស ជនជាតិចិន ឆ្នាំកំណើត ១៩៨៦ លេខលិខិតឆ្លងដែន EP 5088561 ស្នាក់នៅទីតាំងឃ្លាំងកើតហេតុខាងលើ។
យោងតាមការបំភ្លឺរបស់សាក្សីដែលនៅធ្វើការជាមួយគ្នាបានប្រាប់សមត្ថកិច្ចអោយដឹងថា មុនពេលកេីតហេតុ ជនរងគ្រោះបានឡើងទៅលេីទូកុងតឺន័រ ដេីម្បីចងខ្សែដែលដាច់ចេញពីស៊ុមកញ្ចក់ ពេលដែលជនរងគ្រោះកំពុងចងខ្សែ ភ្លាមនោះស្រាប់តែកញ្ចក់ដែលគេដាក់ត្រួតៗគ្នានោះបាក់ធ្លាក់សង្កត់ជនរងគ្រោះស្លាប់នៅនឹងកន្លែងកេីតហេតុតែម្តង។
តាមការសន្និដា្ឋនរបស់លោកឧកញ៉ាវេជ្ជបណ្ឌិត នង សុវណ្ណរ័ត្ន គ្រូពេទ្យកោសល្យវិច័យរាជធានីភ្នំពេញ និងការិយាល័យជំនាញបច្ចេកទេសវិទ្យាសាស្ត្រកោសល្យវិច័យ នៃស្នងការដ្ឋាននគរបាលរាជធានីភ្នំពេញ គឺជនរងគ្រោះស្លាប់ដោយសារប៉ះទង្គិចក្បាលនិងខ្លួនប្រាណធ្ងន់ធ្ងរ (ត្រូវបានផ្ទាំងកញ្ចក់ដួលរលំសង្កាត់ពីលើក្នុងទូកុងតឺន័រ)។
បច្ចុប្បន្នសពត្រូវបានយកទៅរក្សាទុកនៅវត្តស្ទឹងមានជ័យរង់ចាំសាច់ញាតិ៕
ដោយ៖ ចន្ទ លីហ្សា
