សារព័ត៌មាន នគរវត្ត តែងតែនាំមុខគេជានិច្ច
ខេត្តតាកែវ៖ ក្នុងតួនាទីជានាយករដ្ឋមន្ត្រី សម្ដេចធិបតី ហ៊ុន ម៉ាណែត បានថ្លែងអះអាងថា បើសម្ដេចចេញបទបញ្ជាហើយ គឺបញ្ជាដាច់ណាត់ ច្បាស់ការ ទទួលខុសត្រូវគ្រប់យ៉ាង មិនលឹបលដូចថៃឡើយ។ ការអំពាវនាវបែបនេះសម្ដេចធិបតី ក្នុងឱកាសអបអរសាទរទិវាមច្ឆជាតិ ១កក្កដា ឆ្នាំ២០២៥ នៅបឹងទន្លេបាទី ស្រុកបាទី ខេត្តតាកែវ។
សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានថ្លែងដូច្នេះថា៖ «កម្ពុជាយើងតាំងពីដើមមកដល់នេះ សំឡេងអត់មានច្រើនទេ សំឡេងនៃការបើក ការបិទ។ សម្ដេចប្រធានព្រឹទ្ធសភា លោកបញ្ចេញមតិទាក់ទងនឹងរឿងនយោបាយ ប៉ុន្តែការសម្រេចចិត្តនយោបាយ បញ្ជាស្ថាប័នរដ្ឋ គឺនាយករដ្ឋមន្ត្រី ហើយខ្ញុំអត់បញ្ជាលេងសើចទេ ខ្ញុំដាក់ក្នុងហ្វេសប៊ុករបស់ខ្ញុំ។
សម្ដេចធិបតី បានថ្លែងសង្កត់ធ្ងន់ថា ហេតុអ្វី? ខ្ញុំអត់ខ្លាចទេ! ខ្ញុំមិនមែនឱ្យខេត្តចេញទៅ ហើយខ្ញុំយករួចខ្លួន ថាខ្ញុំអត់ដឹងទេ ខ្ញុំដាក់ថាខ្ញុំបញ្ជារតែម្ដង ដើម្បីឱ្យមន្ត្រីកម្ពុជា គាត់អនុវត្តមានភាពកក់ក្ដៅ។ មេទ័ពក្រវីទង់នៅមុខ បើមានរឿងអីយើងនឹងទទួលខុសត្រូវ មិនមែនលឹបលរឿងបែបនេះទេ»៕
ដោយ៖ តារា
