សារព័ត៌មាន នគរវត្ត តែងតែនាំមុខគេជានិច្ច
ក្លឹប Nottingham Forest បានតែងតាំងអតីតគ្រូបង្វឹកក្រុម Burnley និង Everton លោក Sean Dyche ជាអ្នកចាត់ការថ្មីរបស់ពួកគេ។ អ្នកគ្រប់គ្រងជនជាតិអង់គ្លេសអាយុ 54 ឆ្នាំនេះបានចុះកិច្ចសន្យាបន្តរហូតដល់រដូវក្តៅឆ្នាំ 2027 ហើយបានក្លាយជាអ្នកដឹកនាំផ្សេងគ្នាទីបីរបស់ Forest នៅរដូវកាលនេះ។
Dyche ស្នងតំណែងលោក Ange Postecoglou ដែលបានដឹកនាំត្រឹមរយៈពេលតែ 39 ថ្ងៃ ហើយត្រូវបានបណ្តេញចេញ 17 នាទីបន្ទាប់ពីការចាញ់ Chelsea 3-0 កាលពីថ្ងៃសៅរ៍ក្នុងក្របខ័ណ្ឌ Premier League ។
Postecoglu មិនបានទទួលជ័យជម្នះណាមួយក្នុងចំណោមការប្រកួតទាំង 8 របស់គាត់ដែលដឹកនាំដោយស្មើ 2 និងចាញ់ 6 បន្ទាប់ពីគាត់ត្រូវបានគេនាំយកមកជំនួស Nuno Espirito Santo ដែលត្រូវបានបណ្តេញចេញត្រឹមតែបីប្រកួតប៉ុណ្ណោះក្នុងយុទ្ធនាការថ្មីនេះ។
Forest ឈរនៅលេខរៀងទី 18 ក្នុងតារាងលីគ បន្ទាប់ពីឈ្នះ 1 ដងក្នុង 8 ប្រកួត អំឡុងពេលដែលចាប់ផ្តើមរដូវកាលដ៏លំបាក។ ការប្រកួតដំបូងរបស់ Dyche នឹងក្លាយជាការប្រកួត Europa League នៅផ្ទះជាមួយ Porto នៅថ្ងៃព្រហស្បតិ៍ មុនពេល Forest ត្រូវប៉ះ Bournemouth ក្នុង Premier League នៅថ្ងៃអាទិត្យ៕
ដោយ៖ធីរីណា
