សារព័ត៌មាន នគរវត្ត តែងតែនាំមុខគេជានិច្ច
Karmen Kwok ដែលជាម្ចាស់ជ័យលាភីលេខ២ នៃបវរកញ្ញាហុងកុងក្នុងឆ្នាំ ២០១៥ ថ្មីៗនេះបានលក់ខុនដូ ប្រណីត Penthouse នៅ Kowloon Tong របស់នាង ដែលជាអំណោយរបស់មហាសេដ្ឋី Richard Li កូនប្រុសពៅរបស់មហាសេដ្ឋីហុងកុង Li Ka Shing ដោយមានការខាតបង់យ៉ាងច្រើន។
ខុនដូដ៏ប្រណីតគឺជាអំណោយពី មហាសេដ្ឋី Li ក្នុងអំឡុងពេលទំនាក់ទំនងស្នេហាដ៏ល្បីរបស់ពួកគេ។ អចលនទ្រព្យនេះត្រូវបានទិញដំបូងក្នុងតម្លៃ 130 លានដុល្លារហុងកុង (16.59 លានដុល្លារអាមេរិក) តែ Kwok ត្រូវបានគេរាយការណ៍ថាបានលក់វាក្នុងតម្លៃត្រឹមតែ 78.4 លានដុល្លារហុងកុងប៉ុណ្ណោះ នេះបើតាមសារព័ត៌មាន Yule 360 បានរាយការណ៍។
យូនីតនេះមានទំហំប្រហែល 2,188 ហ្វីតការ៉េ (203 ម៉ែតការ៉េ) និងមានប្លង់បន្ទប់គេង 4 ជាមួយនឹងបន្ទប់ទឹកពីរ។ វាក៏រួមបញ្ចូលផងដែរនូវដំបូលឯកជន និងអាងហែលទឹកដែលមានទំហំសរុបប្រហែល 1,855 ហ្វីតការ៉េ។
Kwok កើតក្នុងឆ្នាំ 1992 បានក្លាយជាបវរកញ្ញាហុងកុងឆ្នាំ 2015 ជាប់ចំណាត់ថ្នាក់លេខ 2 ។ បន្ទាប់មកនាងបានចុះកុងត្រាជាមួយ TVB និងចាប់អាជីពជាតារាសម្ដែង។
បន្ទាប់ពីមានទំនាក់ទំនងស្នេហាជាសាធារណៈ នាង Kwok បានដកខ្លួនចេញពីខ្សែភាពយន្ត និងទូរទស្សន៍ទាំងស្រុង ដើម្បីផ្តោតលើការកសាងជីវិតជាមួយមហាសេដ្ឋី។
ទោះបីជាយ៉ាងណា គូស្នេហ៍ទាំងពីរបានចែកផ្លូវគ្នាប៉ុន្មានឆ្នាំក្រោយមក។ របាយការណ៍បានបង្ហាញថាការបែកគ្នាបានកើតឡើងខណៈដែល Li បានសម្លឹងមើលនាង Serene Lim ដែលជាម្ចាស់ជ័យលាភីបវរកញ្ញាអន្តរជាតិចិនឆ្នាំ ២០១៦។
តាំងពីបែកគ្នាមក អតីតបវរកញ្ញារូបនេះបានប្តូរទៅរស់នៅបែបសាមញ្ញជាងមុន។
បោះជំហានចេញពីជីវិតដ៏ស្រស់ស្អាតរបស់នាង Kwok ឥឡូវនេះរកចំណូលបានដោយការផ្សាយផ្ទាល់ និងលក់ទំនិញ។ នាងបានចែករំលែកដោយបើកចំហជាមួយអ្នកតាមនាងថា ឥឡូវនេះ នាងចូលចិត្តទិញរបស់របរប្រើប្រាស់ក្នុងតម្លៃសមរម្យ ជាជាងម៉ាកល្បីដែលមានតម្លៃថ្លៃដែលនាងពេញចិត្តកាលពីអតីតកាល។
Richard Li អាយុ 59 ឆ្នាំ មានទ្រព្យសម្បត្តិសរុបប្រមាណ 6.2 ពាន់លានដុល្លារ ហើយជាប់ចំណាត់ថ្នាក់ទី 17 ក្នុងបញ្ជីអ្នកមាននៅទីក្រុងហុងកុង គិតត្រឹមថ្ងៃទី 22 ខែមីនា។ ឪពុករបស់គាត់ឈ្មោះ Li Ka Shing គឺជាអ្នកមានបំផុតរបស់ទីក្រុងដែលមានទ្រព្យសម្បត្តិ 46.2 ពាន់លានដុល្លារ៕
ដោយ៖ ភារៈ
